23.88C Vancouver 23.88C VancouverFeb 21, 2020 9:22 PM -
ਰੇਲ ਬਲੌਕੇਡਸ ਨੂੰ ਲੈਕੇ ਸਵਾਲਾਂ 'ਚ ਘਿਰੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਮੀਡੀਆ ਨਾਲ ਗੱਲਬਾਤ ਕੀਤੀ ਹੈ।
ਇਸ ਮੌਕੇ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਐਂਡ ਕੁਝ ਹੋਰ ਮੰਤਰੀ ਵੀ ਟਰੂਡੋ ਨਾਲ ਮੌਜੂਦ ਸਨ।
ਔਟਵਾ 'ਚ ਕੀਤੀ ਗੱਲਬਾਤ ਦੌਰਾਨ ਟਰੂਡੋ ਨੇ ਰਸਮੀ ਤੌਰ 'ਤੇ ਆਖਿਆ ਹੈ ਕਿ ਕੈਨੇਡਾ 'ਚ ਰੇਲ ਬਲੌਕੇਡਸ ਨੂੰ ਖਤਮ ਕਰਨਾ ਜਰੂਰੀ ਹੈ।
ਟਰੂਡੋ ਨੇ ਕਿਹਾ ਹੈ ਕਿ, ਇੰਜੰਕਸ਼ਨਸ ਦੀ ਪਾਲਣਾ ਕਰਨਾ ਜ਼ਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਇਸਦਾ ਨੁਕਸਾਨ ਸਾਰੇ ਕਨੇਡੀਅਨਸ ਝੱਲ ਰਹੇ ਹਨ, ਅਤੇ ਜਿਹੜੇ ਇਸਦੇ ਨਾਲ ਵਧੇਰੇ ਪ੍ਰਭਾਵਿਤ ਹਨ, ਉਨ੍ਹਾਂ ਦੇ ਸਬਰ ਦਾ ਬੰਨ ਟੁੱਟ ਰਿਹਾ ਹੈ।
ਇੰਸੀਡੈਂਟ ਰਿਸਪਾਂਸ ਟੀਮ ਦੇ ਨਾਲ ਕੀਤੀ ਗੱਲਬਾਤ ਤੋਂ ਬਾਅਦ, ਉਨ੍ਹਾਂ ਪਾਰਲੀਅਮੈਂਟ ਹਿਲ ਤੋਂ ਆਪਣੇ ਇਹ ਵਿਚਾਰ ਰੱਖੇ।
ਟਰੂਡੋ ਨੇ ਕਿਹਾ ਕਿ ਗੱਲਬਾਤ ਦੀ ਹਰ ਕੋਸ਼ਿਸ਼ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਸਿਰਫ ਇੱਕ ਵਿਅਕਤੀ ਗੱਲਬਾਤ ਲਈ ਤਿਆਰ ਹੋਵੇ, ਤਾਂ ਗੱਲਬਾਤ ਨਹੀਂ ਹੋ ਸਕਦੀ।
ਦੋਨੇ ਪੱਖਾਂ ਦਾ ਗੱਲਬਾਤ ਲਈ ਪਹੁੰਚਣਾ ਜਰੂਰੀ ਹੈ।
