12.52C Vancouver 12.52C VancouverMar 31, 2025 5:24 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਪੂੰਜੀ ਲਾਭ ਟੈਕਸ ਵਿਚ ਇੱਕ ਹੋਰ ਰਾਹਤ ਦੇਣ ਦੀ ਘੋਸ਼ਣਾ ਕੀਤੀ ਹੈ, ਇਸ ਨੂੰ ਉਨ੍ਹਾਂ ਕੈਨੇਡਾ ਫਸਟ ਰੀਇਨਵੈਸਟਮੈਂਟ ਟੈਕਸ ਕੱਟ ਨਾਮ ਦਿੱਤਾ ਹੈ। ਪੌਲੀਐਵ ਦਾ ਕਹਿਣਾ ਹੈ ਕਿ ਜੇ ਕੋਈ ਵੀ ਵਿਅਕਤੀ ਜਾਂ ਕਾਰੋਬਾਰ ਆਪਣੇ ਸੰਪਤੀ ਨੂੰ ਵੇਚ ਕੇ ਇਸ ਪ੍ਰੋਫਿਟ ਨੂੰ ਕੈਨੇਡਾ ਵਿਚ ਰੀਇਨਵੈਸਟ ਕਰੇਗਾ, ਉਸ ਨੂੰ ਕੋਈ ਪੂੰਜੀ ਲਾਭ ਟੈਕਸ ਨਹੀਂ ਦੇਣਾ ਪਵੇਗਾ।
ਐਤਵਾਰ ਨੂੰ ਓਨਟਾਰੀਓ ਵਿਚ ਚੋਣ ਕੰਪੇਨ ਦੌਰਾਨ ਪੌਲੀਐਵ ਨੇ ਕਿਹਾ ਕਿ ਕੈਨੇਡਾ ਫਸਟ ਰੀਇਨਵੈਸਟਮੈਂਟ ਟੈਕਸ ਕੱਟ ਦਾ ਉਦੇਸ਼ ਕੈਨੇਡੀਅਨ ਨਿਵੇਸ਼ਕਾਂ ਨੂੰ ਉਨ੍ਹਾਂ ਦੇ ਇਨਵੈਸਟਮੈਂਟ ਪ੍ਰੋਫਿਟਸ ਨੂੰ ਘਰੇਲੂ ਪੱਧਰ 'ਤੇ ਮੁੜ ਨਿਵੇਸ਼ ਕਰਨ ਲਈ ਉਤਸ਼ਾਹਤ ਕਰਨਾ ਹੈ, ਜਿਸ ਨਾਲ ਕੈਨੇਡਾ ਦੀ ਅਰਥਵਿਵਸਥਾ ਵਿਚ ਪੈਸਾ ਰਹੇਗਾ।
ਪੌਲੀਐਵ ਨੇ ਕਿਹਾ ਕਿ ਕੈਨੇਡਾ ਫਸਟ ਰੀਇਨਵੈਸਟਮੈਂਟ ਟੈਕਸ ਕੱਟ ਦਾ ਲਾਭ 1 ਜੁਲਾਈ 2025 ਤੋਂ 31 ਦਸੰਬਰ 2026 ਵਿਚਕਾਰ ਰੀਇਨਵੈਸਟ ਕੀਤੇ ਕਿਸੇ ਵੀ ਪੂੰਜੀਗਤ ਲਾਭ ਲਈ ਉਪਲਬਧ ਹੋਵੇਗਾ ਅਤੇ ਜੇ ਇਸ ਨਾਲ ਅਰਥਵਿਵਸਥਾ ਨੂੰ ਵੱਡਾ ਉਛਾਲ ਮਿਲਦਾ ਹੈ ਤਾਂ ਇਹ ਛੋਟ ਸਥਾਈ ਬਣਾ ਦਿੱਤੀ ਜਾਵੇਗੀ।
