ਪੌਲੀਐਵ ਨੇ ਸ਼ੁਰੂ ਹੋ ਰਹੇ ਸੈਸ਼ਨ ਵਿਚ ਸਰਕਾਰ ਨੂੰ ਹਾਊਸਿੰਗ ਸਮੇਤ ਕਈ ਮੁੱਦਿਆਂ 'ਤੇ ਘੇਰਨ ਦਾ ਕੀਤਾ ਐਲਾਨ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਪਾਰਲੀਮੈਂਟ ਦੇ ਸੋਮਵਾਰ ਤੋਂ ਸ਼ੁਰੂ ਹੋ ਰਹੇ ਸੈਸ਼ਨ ਵਿਚ ਸਰਕਾਰ ਨੂੰ ਹਾਊਸਿੰਗ ਸਮੇਤ ਕਈ ਮੁੱਦਿਆਂ ਉਤੇ ਘੇਰਨ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਅੱਜ ਬਰੈਂਪਟਨ ਵਿਚ ਨਿਊਜ਼ ਕਾਨਫਰੰਸ ਕਰਦੇ ਹੋਏ ਕਾਰਨੀ ਸਰਕਾਰ ਨੂੰ ਹਾਊਸਿੰਗ ਸਬੰਧੀ 4 ਪੁਆਇੰਟ 'ਤੇ ਕੰਮ ਕਰਨ ਦੀ ਮੰਗ ਕੀਤੀ,ਜਿਸ ਵਿਚ ਇੱਕ ਮੰਗ ਉਨ੍ਹਾਂ ਇਮੀਗ੍ਰੇਸ਼ਨ ਨੂੰ ਸੀਮਤ ਕਰਨ ਦੀ ਰੱਖੀ।

ਪੌਲੀਐਵ ਨੇ ਅੱਗੇ ਕਿਹਾ ਕਿ $1.3 ਮਿਲੀਅਨ ਤੱਕ ਦੇ ਘਰਾਂ ਲਈ ਫੈਡਰਲ ਸੇਲਜ਼ ਟੈਕਸ ਵਿਚ ਸਾਰੇ ਘਰ ਖਰੀਦਦਾਰਾਂ ਨੂੰ ਛੋਟ ਦਿੱਤੀ ਜਾਵੇ ਨਾ ਕਿ ਸਿਰਫ ਪਹਿਲੀ ਵਾਰ ਦੇ ਖਰੀਦਦਾਰਾਂ ਨੂੰ ਅਤੇ ਨਾਲ ਹੀ ਹੋਮ ਬਿਲਡਿੰਗ ਵਿਚ ਰੀ-ਇਨਵੈਸਟ ਕਰਨ ਵਾਲੇ ਵਪਾਰ ਅਤੇ ਵਿਅਕਤੀ ਲਈ ਕੋਈ ਪੂੰਜੀ ਲਾਭ ਟੈਕਸ ਨਹੀਂ ਹੋਣਾ ਚਾਹੀਦਾ। ਕੰਜ਼ਰਵੇਟਿਵ ਲੀਡਰ ਨੇ ਕਿਹਾ ਕਿ ਜੇ ਲਿਬਰਲ ਸਰਕਾਰ ਜਲਦ ਕੋਈ ਕਦਮ ਨਹੀਂ ਉਠਾਉਂਦੀ ਤਾਂ ਦੇਸ਼ ਦਾ ਹਾਊਸਿੰਗ ਸੰਕਟ ਹੋਰ ਵੱਧ ਸਕਦਾ ਹੈ।