11.53C Vancouver 11.53C VancouverApr 9, 2025 6:58 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਪ੍ਰਧਾਨ ਮੰਤਰੀ ਬਣਨ 'ਤੇ ਕੈਨੇਡੀਅਨ ਇਤਿਹਾਸ ਵਿਚ ਅਪਰਾਧੀਆਂ 'ਤੇ ਸਭ ਤੋਂ ਵੱਡੀ ਕਾਰਵਾਈ ਕਰਨ ਦੀ ਗੱਲ ਆਖੀ ਹੈ। ਪੌਲੀਐਵ ਨੇ ਆਪਣੇ ਪ੍ਰਸਤਾਵਿਤ ਕਾਨੂੰਨ 'ਥ੍ਰੀਰ ਸਟ੍ਰਾਈਕ ਯੂਆਰ ਆਊਟ ਲਾਅ' ਦਾ ਖੁਲਾਸਾ ਕਰਦੇ ਕਿਹਾ ਕਿ ਇਸ ਕਾਨੂੰਨ ਤਹਿਤ ਗੰਭੀਰ ਅਪਰਾਧ ਲਈ ਦੋਸ਼ੀ ਠਹਿਰਾਏ ਜਾਣ 'ਤੇ ਅਪਰਾਧੀਆਂ ਨੂੰ ਬਿਨਾਂ ਪੈਰੋਲ, ਬਿਨਾਂ ਜ਼ਮਾਨਤ ਅਤੇ ਬਿਨਾਂ ਘਰ ਵਿੱਚ ਨਜ਼ਰਬੰਦੀ ਦੇ 10 ਸਾਲ ਜੇਲ੍ਹ ਵਿਚ ਰੱਖਿਆ ਜਾਵੇਗਾ।
ਉਨ੍ਹਾਂ ਇਸ ਦੌਰਾਨ ਲਿਬਰਲਸ 'ਤੇ ਵੀ ਨਿਸ਼ਾਨਾ ਸਾਧਿਆ ਅਤੇ ਕਿਹਾ ਕਿ ਕਾਰਨੀ ਦੀ ਅਗਵਾਈ ਵਾਲੀ ਲਿਬਰਲਸ ਦੀ ਨਰਮ ਅਪਰਾਧ ਨੀਤੀ ਅਤੇ ਆਸਾਨ ਜ਼ਮਾਨਤ ਨੇ ਕੈਨੇਡਾ ਵਿਚ ਅਰਾਜਕਤਾ ਪੈਦਾ ਕੀਤੀ ਹੈ।
ਗੌਰਤਲਬ ਹੈ ਕਿ ਪੌਲੀਐਵ ਅੱਜ ਚੋਣ ਕੰਪੇਨ ਲਈ ਓਨਟਾਰੀਓ ਦਾ ਦੌਰਾ ਕਰ ਰਹੇ ਹਨ। ਪਿਛਲੇ ਦਿਨ ਐਡਮਿੰਟਨ ਵਿਚ ਉਨ੍ਹਾਂ ਨੇ ਆਫਸ਼ੋਰ ਟੈਕਸ ਹੈਵਨ 'ਤੇ ਸ਼ਿਕੰਜਾ ਕੱਸਣ ਦਾ ਐਲਾਨ ਕੀਤਾ ਸੀ।
