17.87C Vancouver 17.87C VancouverFeb 10, 2020 5:30 PM -
ਵੈਨਕੂਵਰ ਦੀਆਂ ਚਾਰ ਬੰਦਰਗਾਹਾਂ ਨੂੰ ਰੋਕਣ ਵਾਲੇ ਪਾਈਪਲਾਈਨ ਦੇ ਵਿਰੋਧੀਆਂ ਅਤੇ ਪੁਲੀਸ ਵਿਚਕਾਰ ਅੱਜ ਮੁੱਠਭੇੜ ਸਵੇਰ ਤੋਂ ਸ਼ੁਰੂ ਹੋ ਚੁੱਕੀ ਹੈ ਅਤੇ ਸਿਲਸਿਲੇ ਵਿੱਚ 33 ਗ੍ਰਿਫ਼ਤਾਰੀਆਂ ਵੀ ਕੀਤੀਆਂ ਗਈਆਂ ਹਨ।
ਬੀਸੀ ਦੀ ਅਦਾਲਤ ਵੱਲੋਂ ਵੈਨਕੂਵਰ ਦੀਆਂ ਬੰਦਰਗਾਹਾਂ ਨੂੰ ਬਲਾਕ ਕਰ ਰਹੇ ਪ੍ਰਦਰਸ਼ਨਕਾਰੀਆਂ ਖ਼ਿਲਾਫ਼ ਕੱਲ ਹੁਕਮ ਜਾਰੀ ਕਰ ਦਿੱਤਾ ਗਿਆ ਸੀ।
ਪਾਈਪਲਾਈਨ ਦਾ ਵਿਰੋਧ ਕਰ ਰਹੇ ਵੈਟ’ਸੁਵੈਟ’ਐਨ (Wet'suwet'en) ਦੇ ਮੁਖੀਆਂ ਨੂੰ ਆਪਣੇ ਸਮਰਥਨ ਦੇਣ ਵਾਸਤੇ ਪ੍ਰਦਰਸ਼ਨਕਾਰੀਆਂ ਨੇ ਬੰਦਰਗਾਹ ਨੂੰ ਪਿਛਲੇ ਚਾਰ ਦਿਨਾਂ ਤੋਂ ਰੋਕਿਆ ਹੋਇਆ ਹੈ।
ਬੀਸੀ ਮੈਰਿਟਾਈਮ ਇਮਪਲੌਇਰਜ਼ ਅਸੋਸੀਏਸ਼ਨ (B.C Maritime Employers Association) ਨੇ ਕਿਹਾ ਕਿ ਉਨ੍ਹਾਂ ਨੂੰ ਬੀਸੀ ਦੇ ਸੁਪਰੀਮ ਕੋਰਟ ਜੱਜ ਨੇ ਐਤਵਾਰ ਦੁਪਹਿਰੇ ਇੰਜਕਸ਼ਨ ਦੇ ਦਿੱਤੀ ਸੀ ਜੋ ਕਿ ਪ੍ਰਦਰਸ਼ਨਕਾਰੀਆਂ ਨੂੰ 5:30 ਪੇਸ਼ ਕਰ ਦਿੱਤੀ ਗਈ ਸੀ।
ਅਦਾਲਤ ਦੇ ਹੁਕਮ ਮੁਤਾਬਕ ਜੇ ਉਹ ਪੋਰਟ ਦੀ ਐਂਟ੍ਰਸ ਤੋਂ ਨਹੀਂ ਹੱਟਦੇ ਤਾਂ ਉਨ੍ਹਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਜਾਵੇਗਾ ਪਰ ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਹੈ ਕਿ ਉਹ ਇਨ੍ਹਾਂ ਥਾਵਾਂ ਤੋਂ ਹਟਣ ਲਈ ਤਿਆਰ ਨਹੀਂ ਹਨ।
