ਨਨਾਇਮੋ ਦੇ ਤਿੰਨ ਹਾਈ ਸਕੂਲਾਂ ਨੂੰ ਧਮਕੀ ਤੋਂ ਬਾਅਦ ਵਧਾਈ ਗਈ ਪੁਲਿਸ ਦੀ ਸੁਰੱਖਿਆ

ਬੀਸੀ ਦੇ ਨਨਾਇਮੋ 'ਚ ਪੁਲਿਸ ਨੇ ਇਕ ਅਣਨਿਰਧਾਰਤ ਧਮਕੀ ਦੀ ਸੂਚਨਾ ਮਿਲਣ ਮਗਰੋਂ ਤਿੰਨ ਸਥਾਨਕ ਹਾਈ ਸਕੂਲਾਂ 'ਚ ਆਪਣੀ ਸੁਰੱਖਿਆ ਵਧਾ ਦਿੱਤੀ ਹੈ। ਆਰ.ਸੀ.ਐਮ.ਪੀ. ਨੇ ਇਕ ਨਿਊਜ਼ ਰਿਲੀਜ਼ 'ਚ ਕਿਹਾ ਸੀ ਕਿ ਸੋਮਵਾਰ ਤੋਂ ਡੋਵਰ, ਵੈਲਿੰਗਟਨ ਅਤੇ ਨਾਨਾਇਮੋ ਜ਼ਿਲ੍ਹੇ ਦੇ ਸੈਕੰਡਰੀ ਸਕੂਲਾਂ ਵਿਚ ਪੁਲਿਸ ਦੀ ਸੁਰੱਖਿਆ ਵਧਾ ਦਿੱਤੀ ਜਾਵੇਗੀ।

ਪੁਲਿਸ ਦਾ ਕਹਿਣਾ ਹੈ ਕਿ ਸਕੂਲ 'ਚ ਉਨ੍ਹਾਂ ਦੀ ਹਾਜ਼ਰੀ precautionary ਹੈ ਇਸ ਨਾਲ ਉਨ੍ਹਾਂ ਨੂੰ ਕਲਾਸ ਨੌਰਮਲ ਰੂਪ 'ਚ ਚੱਲਣ ਦੀ ਉਮੀਦ ਹੈ। ਫਿਲਹਾਲ ਥਰੈਟ ਬਾਰੇ ਕੋਈ ਹੋਰ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ। ਮਾਊਟੀਜ਼ ਨੇ ਰਿਲੀਜ਼ 'ਚ ਕਿਹਾ ਕਿ ਅਧਿਕਾਰੀ ਤਿੰਨਾਂ ਸਕੂਲਾਂ 'ਚ ਪੂਰਾ ਦਿਨ ਮੌਜੂਦ ਰਹਿਣਗੇ ਅਤੇ ਕਿਸੇ ਵੀ concern ਜਾਂ ਸਵਾਲ ਵਾਲੇ ਵਿਅਕਤੀ ਨੂੰ ਸਿੱਧਾ ਉਨ੍ਹਾਂ ਨਾਲ ਗੱਲ ਕਰਨ ਦੀ ਅਪੀਲ ਕੀਤੀ ਜਾਂਦੀ ਹੈ।