25.68C Vancouver 25.68C VancouverOct 3, 2025 6:14 PM - The Canadian Press
ਵਿਕਟੋਰੀਆ ਵਿਚ ਹਾਲ ਹੀ ਵਿਚ ਸ਼ਹਿਰ ਦੇ ਵਿਅਸਤ ਵਾਟਰਫਰੰਟ ਖੇਤਰ ਵਿਚ ਵਾਰਫ ਸਟਰੀਟ 'ਤੇ ਇੱਕ ਔਰਤ ਨੇ ਬੱਚੇ ਨੂੰ ਜਨਮ ਦਿੱਤਾ। ਪੁਲਿਸ ਨੇ ਕਿਹਾ ਕਿ ਇੱਕ ਅਧਿਕਾਰੀ ਅਤੇ ਸੇਂਟ ਜੌਨ ਐਂਬੂਲੈਂਸ ਮੈਂਬਰ 20 ਸਤੰਬਰ ਨੂੰ ਇੱਕ ਸਥਾਨਕ ਸਮਾਗਮ 'ਤੇ ਕੰਮ ਕਰ ਰਹੇ ਸਨ ਜਦੋਂ ਇੱਕ ਰਾਹਗੀਰ ਨੇ ਉਨ੍ਹਾਂ ਨੂੰ ਇੱਕ ਔਰਤ ਦੇ ਜਣੇਪੇ ਦੀਆਂ ਦਰਦਾਂ ਬਾਰੇ ਸੂਚਿਤ ਕੀਤਾ।
ਅਧਿਕਾਰੀ ਅਤੇ ਫਸਟ ਰਿਸਪੌਂਡਰ ਤੁਰੰਤ ਮੌਕੇ ਉਤੇ ਪਹੁੰਚੇ ਅਤੇ ਪਬਲਿਕ ਦੇ ਹੋਰ ਮੈਂਬਰਾਂ ਨਾਲ ਮਿਲ ਕੇ ਉਸ ਦੀ ਸਹਾਇਤਾ ਕੀਤੀ। ਵਿਕਟੋਰੀਆ ਪੁਲਿਸ ਦੀ ਕਾਂਸਟੇਬਲ ਮਨਦੀਪ ਸੋਹੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਪੈਰਾਮੈਡਿਕਸ ਦੇ ਪਹੁੰਚਣ ਤੋਂ ਪਹਿਲਾਂ ਬੱਚੇ ਦਾ ਜਨਮ ਹੋ ਚੁੱਕਾ ਸੀ, ਸੋਹੀ ਨੇ ਕਿਹਾ ਕਿ ਇਹ ਕੇਸ ਉਨ੍ਹਾਂ ਲਈ ਵੱਖਰਾ ਅਨੁਭਵ ਸੀ ਕਿਉਂਕਿ ਅਚਾਨਕ ਪਬਲਿਕ ਸੇਫਟੀ ਦੀ ਜ਼ਿੰਮੇਵਾਰੀ ਤੋਂ ਉਨ੍ਹਾਂ ਦੀ ਡਿਊਟੀ ਬਦਲ ਕੇ ਇੱਕ ਬੱਚੇ ਦੇ ਜਨਮ ਵਿਚ ਮਦਦ ਕਰਨ ਤੱਕ ਸ਼ਿਫਟ ਹੋ ਗਈ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਰਿਸਪੌਂਡਰ ਵਲੋਂ ਦੇਖਭਾਲ ਦੌਰਾਨ ਬੱਚਾ ਸਿਹਤਮੰਦ ਦਿਖਾਈ ਦੇ ਰਿਹਾ ਸੀ,ਹਾਲਾਂਕਿ ਨਵਜੰਮੇ ਬੱਚੇ ਜਾਂ ਮਾਂ ਦੀ ਸਥਿਤੀ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ।
