10.17C Vancouver 10.17C VancouverNov 11, 2021 1:17 AM - Connect News
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਫਿਕਸਡ ਰਡਾਰ ਸਿਸਟਮ ਦੀ ਮਦਦ ਨਾਲ ਇੱਕ ਓਵਰਸਪੀਡਿੰਗ ਵਾਹਨ ਦਾ ਪਤਾ ਲਗ ਸਕਿਆ।
ਬਲੈਕ ਕੈਟ ਰਡਾਰ ਲੈਵਰੇਜਿੰਗ ਤਕਨੀਕ ਦੀ ਵਰਤੋਂ ਰਫਤਾਰ ਸੰਬੰਧੀ ਸ਼ਿਕਾਇਤਾਂ ਨਾਲ ਕੁਸ਼ਲ ਅਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਨਜਿੱਠਣ ਲਈ ਕੀਤੀ ਜਾਂਦੀ ਹੈ।
ਸਰੀ ਆਰ.ਸੀ.ਐਮ.ਪੀ. ਦੇ ਟਰੈਫਿਕ ਕਮਿਊਨਿਟੀ ਰਿਸਪਾਂਸ ਯੂਨਿਟ ਨੇ ਮਲਟੀਪਲ ਫਿਕਸਡ ਰਡਾਰ ਸਿਸਟਮ ਹਾਸਿਲ ਕੀਤੇ ਹਨ।
ਵਧੇਰੇ ਸ਼ਿਕਾਇਤਾਂ ਮਿਲਣ ਵਾਲੇ ਇਲਾਕਿਆਂ 'ਚ ਇਨ੍ਹਾਂ ਸਿਸਟਮਸ ਨੂੰ ਡਿਪਲਾਏ ਕੀਤਾ ਗਿਆ ਹੈ।
ਇਸੇ ਸੰਬੰਧੀ 14 ਅਕਤੂਬਰ ਨੂੰ 104 ਐਵੀਨਿਊ ਦੇ 12500 ਬਲੌਕ ਵਿੱਚ 30km ਦੇ ਜੋਨ 'ਚ ਫਿਕਸ ਕੀਤੇ ਸਿਸਟਮ ਤੋਂ ਪਤਾ ਲੱਗਿਆ ਕਿ 7 ਦਿਨਾਂ ਦੌਰਾਨ ਕੁੱਲ 34,013 ਵਾਹਨ ਇਸ ਇਲਾਕੇ 'ਚ ਗੁਜਰੇ ਅਤੇ ਇਸ 'ਚ 2,000 ਦੇ ਕਰੀਬ ਓਵਰਸਪੀਡਿੰਗ ਕਰ ਰਹੇ ਸਨ।
ਇਹ ਵੀ ਦੱਸਿਆ ਗਿਆ ਕਿ ਇਸ ਸਿਸਟਮ ਦੇ ਆਸਰੇ ਇੱਕ ਵਾਹਨ ਨੂੰ ਫੜਿਆ ਗਿਆ ਜੋ ਕਿ 50km ਦੇ ਜੋਨ 'ਚ 109km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਜਾ ਰਿਹਾ ਸੀ।
ਇਸ ਨੂੰ ਕਈ ਜੁਰਮਾਨੇ ਠੋਕੇ ਗਏ ਅਤੇ ਵਾਹਨ ਜਬਤ ਕਰ ਲਿਆ ਗਿਆ।
