9.6C Vancouver 9.6C VancouverAug 19, 2020 11:32 PM -
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਵੱਲੋਂ ਇੱਕ ਵਿਅਕਤੀ ਦੀ ਤਾਰੀਫ਼ ਕੀਤੀ ਜਾ ਰਹੀ ਹੈ, ਜਿਸ ਨੇ ਪੈਸਿਆਂ ਨਾਲ ਭਰਿਆ ਬਟੂਆ ਪੁਲਿਸ ਤੱਕ ਪਹੁੰਚ ਦਿੱਤਾ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਵਿਅਕਤੀ ਨੂੰ ਇੱਕ ਬਟੂਆ ਮਿਲਿਆ, ਜਿਸ 'ਚ ਕਰੀਬ $2,300 ਸਨ।
ਵਿਅਕਤੀ ਇੱਕ ਗਲੀ 'ਚ ਤੁਰ ਕੇ ਜਾ ਰਿਹਾ ਸੀ, ਜਦ ਉਸ ਨੂੰ ਇਹ ਬਟੂਆ ਡਿੱਗਿਆ ਹੋਇਆ ਵਿਖਾਈ ਦਿੱਤਾ।
ਇਸ 'ਚ ਇੰਨੇ ਪੈਸੇ ਸਨ ਕਿ, ਬਟੂਆ ਬੰਦ ਵੀ ਨਹੀਂ ਹੋ ਰਿਹਾ ਸੀ।
ਉਸ ਨੇ ਇਸ ਨੂੰ ਚੁੱਕਿਆ ਅਤੇ ਪੁਲਿਸ ਕੋਲ ਪਹੁੰਚਾ ਦਿੱਤਾ, ਅਤੇ ਉਸ ਨੂੰ ਉਮੀਦ ਸੀ ਕਿ ਇਸ ਦਾ ਅਸਲ ਮਾਲਿਕ ਭਾਲ ਕਰਦਾ ਹੋਇਆ ਪੁਲਿਸ ਤੱਕ ਪਹੁੰਚ ਜ਼ਰੂਰ ਕਰੇਗਾ।
ਬਟੂਆ ਅਸਲ ਮਾਲਿਕ ਤੱਕ ਪਹੁੰਚ ਗਿਆ ਹੈ, ਅਤੇ ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਦੇ ਬੈਂਕ ਵੱਲ ਜਾਂਦੇ ਹੋਏ ਉਸ ਦਾ ਬਟੂਆ ਡਿੱਗ ਗਿਆ ਸੀ, ਅਤੇ ਉਹ ਇਸ ਨੂੰ ਹਾਸਿਲ ਕਰ ਕੇ ਬੇਹੱਦ ਖੁਸ਼ ਹੈ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਕੋਵਿਡ-19 ਕਾਰਨ ਬਣੇ ਨੈਗੇਟਿਵ ਹਾਲਾਤਾਂ 'ਚ ਅਜਿਹਾ ਮਾਮਲਾ ਉਤਸ਼ਾਹਿਤ ਕਰਦਾ ਹੈ।
