20.97C Vancouver 20.97C VancouverSep 19, 2025 11:42 PM - Connect Newsroom - Pervez Sandhu
ਸਰੀ ਵਿੱਚ ਅੱਜ ਸਵੇਰ ਦੇ ਸਮੇਂ ਗੋਲੀ ਚੱਲਣ ਦੀ ਘਟਨਾ ਵਾਪਰੀ।
ਘਟਨਾ 125 ਸਟ੍ਰੀਟ ਦੇ 10800 ਬਲੌਕ 'ਚ ਵਾਪਰੀ।
ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਇਨਵੈਸਟੀਗੇਟ ਕੀਤਾ ਤਾਂ ਪਤਾ ਲੱਗਿਆ ਕਿ ਇੱਕ ਵਪਾਰਿਕ ਜਗ੍ਹਾ ਦੇ ਪਿਛਲੇ ਇਲਾਕੇ ਵਿੱਚ ਗੋਲੀਆਂ ਚੱਲਣ ਕਾਰਨ ਮਲਟੀਪਲ ਸੁਰਾਖ ਸਨ।
ਪੁਲਿਸ ਅਨੁਸਾਰ ਘਟਨਾ 'ਚ ਕਿਸੇ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਕਨੈਕਟ ਐਫ.ਐਮ. ਨੇ ਘਟਨਾ ਸੰਬੰਧੀ ਸਾਰਜੈਂਟ ਟੀਜ ਪੋਲੌਕ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਘਟਨਾ ਸਵੇਰ ਕਰੀਬ ਸਾਡੇ 8 ਵਜੇ ਵਾਪਰੀ ਸੀ।
ਉਨ੍ਹਾਂ ਦੱਸਿਆ ਕਿ ਸਰੀ ਪੁਲਿਸ ਦੀ ਫਰੰਟਲਾਈਨ ਇਨਵੈਸਟੀਗੇਸ਼ਨ ਸੱਪੋਰਟ ਟੀਮ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਫਿਲਹਾਲ ਘਟਨਾ ਸੰਬੰਧੀ ਇਰਾਦੇ ਜਾਂ ਕਾਰਨ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਕਮਿਊਨਿਟੀ ਸੋਰਸਿਸ ਤੋਂ ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ ਕਨੈਕਟ ਐਫ.ਐਮ. ਨੇ ਸਾਰਜੈਂਟ ਪੋਲੌਕ ਤੋਂ ਪੁੱਛਿਆ, ਕੀ ਜਿੰਨਾ ਦੀ ਵਪਾਰਿਕ ਜਗ੍ਹਾ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ ਉਨ੍ਹਾਂ ਦੇ ਹੀ ਘਰ ਜਾਂ ਵਪਾਰਿਕ ਜਗ੍ਹਾ ਨੂੰ ਨਿਸ਼ਾਨਾ ਬਣਾਏ ਜਾਣ ਦਾ ਇਹ ਦੂਜਾ ਮੌਕਾ ਹੈ।
ਇਸ 'ਤੇ ਸਾਰਜੈਂਟ ਪੋਲੌਕ ਨੇ ਪੀੜਤ ਦੀ ਪਛਾਣ ਜਾਹਿਰ ਹੋਣ ਦੇ ਖਤਰੇ ਦਾ ਹਵਾਲਾ ਦਿੰਦਿਆਂ, ਜਾਣਕਾਰੀ ਸਹੀ ਜਾਂ ਗਲਤ ਹੋਣ ਸੰਬੰਧੀ ਪੁਸ਼ਟੀ ਨਹੀਂ ਕੀਤੀ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਫਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਇਸ ਦੇ ਔਕਸਟੌਰਸ਼ਨ ਸੰਬੰਧਤ ਹੋਣ ਜਾਂ ਨਾ ਹੋਣ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ।
ਉਨ੍ਹਾਂ ਮੰਨਿਆ ਕਿ ਕਿਸੇ ਵੀ ਮੌਕੇ ਸ਼ੂਟਿੰਗ ਜਿਹੀ ਘਟਨਾ ਵਾਪਰਦੀ ਹੈ ਤਾਂ ਕਮਿਊਨਿਟੀ 'ਚ ਫਿਕਰ ਹੁੰਦਾ ਹੈ ਅਤੇ ਪੁਲਿਸ ਵੱਲੋਂ ਘਟਨਾ ਪਿੱਛੇ ਜਿੰਮੇਵਾਰ ਲੋਕਾਂ ਤੱਕ ਪਹੁੰਚਣ ਲਈ ਪੂਰੀ ਵਾਹ ਲਗਾਈ ਜਾ ਰਹੀ ਹੈ।
