ਮੈਰਿਟ ਵਿੱਚ ਲੜਕੀ ਦੀ ਸ਼ੱਕੀ ਹਾਲਤ ਵਿਚ ਮੌਤ, ਜਾਂਚ ਜਾਰੀ

ਬੀ.ਸੀ.ਦੇ ਮੈਰਿਟ ਸ਼ਹਿਰ ਵਿਚ ਸ਼ਨੀਵਾਰ ਨੂੰ ਇੱਕ 20 ਤੋਂ 25 ਸਾਲਾ ਲੜਕੀ ਦੀ ਸ਼ੱਕੀ ਹਾਲਤ ਵਿਚ ਮੌਤ ਹੋ ਗਈ। ਆਰ.ਸੀ.ਐਮ.ਪੀ.ਮੁਤਾਬਕ,ਉਨ੍ਹਾਂ ਨੂੰ ਨਿਕੋਲਾ ਐਵੇਨਿਊ ਦੇ 2000-ਬਲਾਕ ਵਿਚ ਐਮਰਜੈਂਸੀ ਹੈਲਥ ਸਰਵਿਸਸਨੇ ਇੱਕ ਲੜਕੀ ਦੇ ਡਾਕਟਰੀ ਪ੍ਰੇਸ਼ਾਨੀ ਵਿਚ ਹੋਣ ਦੀ ਸੂਚਨਾ ਦਿੱਤੀ। ਮੈਰਿਟ ਆਰ.ਸੀ.ਐਮ.ਪੀ.ਦੇ ਅਧਿਕਾਰੀ ਜਦੋਂ ਮੌਕੇ 'ਤੇ ਪਹੁੰਚੇ ਤਾਂ ਲੜਕੀ ਜ਼ਖਮੀ ਮਿਲੀ,ਜਿਸ ਨੇ ਘਟਨਾ ਸਥਾਨ 'ਤੇ ਦਮ ਤੋੜ ਦਿੱਤਾ।

ਪੁਲਿਸ ਨੇ ਲੜਕੀ ਦੇ ਸਰੀਰ 'ਤੇ ਮਿਲੇ ਜ਼ਖ਼ਮਾਂ ਦੇ ਨਿਸ਼ਾਨਾਂ ਕਾਰਨ ਇਸ ਪਿੱਛੇ ਕਿਸੇ ਸਾਜ਼ਿਸ਼ ਜਾਂ ਅਪਰਾਧਿਕ ਗਤੀਵਿਧੀ ਦੀ ਸ਼ੰਕਾ ਜਤਾਈ ਹੈ,ਜਿਸ ਕਾਰਨ ਜਾਂਚ ਦੀ ਕਮਾਨ ਹੁਣ ਸਾਊਥ ਈਸਟ ਜ਼ਿਲ੍ਹਾ ਮੇਜਰ ਕ੍ਰਾਈਮ ਯੂਨਿਟ ਨੂੰ ਸੌਂਪੀ ਗਈ ਹੈ। ਪੁਲਿਸ ਮ੍ਰਿਤਕਾਂ ਦੇ ਆਖਰੀ ਪਲਾਂ ਦੀ ਹਰ ਗਤੀਵਿਧੀ ਨੂੰ ਜੋੜ ਕੇ ਦੇਖ ਰਹੀ ਹੈ। ਉਸ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ, ਸਿਰਫ ਇਹ ਦੱਸਿਆ ਗਿਆ ਕਿ ਉਹ ਮੈਰਿਟ ਦੀ ਹੀ ਰਹਿਣ ਵਾਲੀ ਸੀ।