11.69C Vancouver 11.69C VancouverSep 17, 2025 7:15 PM - Connect Newsroom
ਨਨਾਈਮੋ ਦੇ ਸੈਂਟਰਲ ਅਤੇ ਸਾਊਥ ਦੇ ਰਿਹਾਇਸ਼ੀ ਇਲਾਕਿਆਂ ਵਿਚ ਘੁਸਪੈਠੀਏ ਦੀਆਂ ਕਈ ਰਿਪੋਰਟਸ ਨਾਲ ਡਰ ਦਾ ਮਾਹੌਲ ਹੈ। ਪੁਲਿਸ ਮੁਤਾਬਕ, ਕੋਈ ਵਿਅਕਤੀ ਗੈਰ ਕਾਨੂੰਨੀ ਇਰਾਦਿਆਂ ਨਾਲ ਰਿਹਾਇਸ਼ੀ ਖੇਤਰ ਵਿਚ ਦੇਖਿਆ ਗਿਆ ਹੈ, ਜਿਸ ਸਬੰਧ ਵਿਚ ਜਾਂਚ ਚੱਲ ਰਹੀ ਹੈ।
ਨਨਾਈਮੋ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਮੰਗਲਵਾਰ ਤੜਕੇ ਇੱਕ ਨਿਵਾਸੀ ਜਦੋਂ ਘਰ ਵਾਪਸ ਆਇਆ ਤਾਂ ਉਸ ਨੇ ਆਪਣੇ ਗਰਾਊਂਡ ਫਲੋਰ ਅਪਾਰਟਮੈਂਟ ਦੇ ਵਿਹੜੇ 'ਤੇ ਇੱਕ ਅਣਜਾਣ ਆਦਮੀ ਨੂੰ ਖਿੜਕੀਆਂ ਵਿਚੋਂ ਦੇਖਦਿਆਂ ਦੇਖਿਆ, ਜੋ ਪੁਲਿਸ ਦੇ ਆਉਣ ਤੋਂ ਪਹਿਲਾਂ ਭੱਜ ਗਿਆ ਅਤੇ ਉਸ ਦਾ ਕੋਈ ਪਤਾ ਨਹੀਂ ਲੱਗਿਆ।
ਨਨਾਈਮੋ ਆਰ.ਸੀ.ਐਮ.ਪੀ. ਦੇ ਸੀ.ਐਸ.ਟੀ. ਗੈਰੀ ਓ'ਬ੍ਰਾਇਨ ਨੇ ਕਿਹਾ ਕਿ ਇਹ ਘਟਨਾਵਾਂ ਸਾਡੇ ਲਈ ਤਰਜੀਹੀ ਫਾਈਲਾਂ ਬਣੀਆਂ ਹੋਈਆਂ ਹਨ ਕਿਉਂਕਿ ਕਮਿਊਨਿਟੀ ਵਿਚ ਚਿੰਤਾ ਦਾ ਵਿਸ਼ਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਭਾਵਿਤ ਇਲਾਕਿਆਂ ਵਿਚ ਗਸ਼ਤ ਅਧਿਕਾਰੀਆਂ ਵਲੋਂ ਆਪਣੀ ਮੌਜੂਦਗੀ ਵਧਾਈ ਗਈ ਹੈ ਅਤੇ ਜਾਂਚਕਰਤਾ ਸਰਗਰਮੀ ਨਾਲ ਸੁਰਾਗ ਦਾ ਪਤਾ ਲਗਾ ਰਹੇ ਹਨ।
ਨਨਾਈਮੋ ਆਰ.ਸੀ.ਐਮ.ਪੀ. ਨੇ ਕਿਸੇ ਵੀ ਸ਼ੱਕੀ ਗਤਵਿਧੀ ਲਈ ਲੋਕਾਂ ਨੂੰ ਤੁਰੰਤ 911 'ਤੇ ਕਾਲ ਕਰਨ ਲਈ ਕਿਹਾ ਹੈ ਅਤੇ ਜਿਥੇ ਵੀ ਸੰਭਵ ਹੋਵੇ ਬਾਹਰਲੀ ਰੋਸ਼ਨੀ ਅਤੇ ਮੋਸ਼ਨ ਸੈਂਸਰ ਲਗਾਉਣ ਦੀ ਸਲਾਹ ਦਿੱਤੀ ਗਈ ਹੈ।
