12.76C Vancouver 12.76C VancouverMar 30, 2026 5:38 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਵਿਚ ਹੇਟ ਕ੍ਰਾਈਮ ਦੇ ਮਾਮਲਿਆਂ ਵਿਚ ਠਹਿਰਾਅ ਦੇਖਣ ਨੂੰ ਮਿਲਿਆ ਹੈ। ਸਟੈਟਕੈਨ ਦੀ ਨਵੀਂ ਰਿਪੋਰਟ ਅਨੁਸਾਰ, ਸਾਲ 2024 ਵਿਚ ਪੁਲਿਸ ਕੋਲ ਦਰਜ ਹੋਏ ਨਫ਼ਰਤੀ ਅਪਰਾਧਾਂ ਦੀ ਗਿਣਤੀ 4,882 ਰਹੀ, ਜੋ ਕਿ 2023 ਦੇ ਮੁਕਾਬਲੇ ਸਿਰਫ਼ 1 ਫੀਸਦੀ ਦਾ ਮਾਮੂਲੀ ਵਾਧਾ ਅਤੇ 2022 ਤੇ 2023 ਵਿਚਕਾਰ ਹੋਏ 34 ਫੀਸਦੀ ਦੇ ਵੱਡੇ ਉਛਾਲ ਦੇ ਮੁਕਾਬਲੇ ਵੱਡੀ ਰਾਹਤ ਹੈ।
ਰਿਪੋਰਟ ਮੁਤਾਬਕ, 2024 ਵਿਚ ਨਸਲਵਾਦ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਮਾਮਲਿਆਂ ਵਿਚ 8 ਫੀਸਦੀ ਵਾਧਾ ਹੋਇਆ ਪਰ Sexual Orientation ਮਾਮਲਿਆਂ ਵਿਚ 26 ਫੀਸਦੀ ਗਿਰਾਵਟ ਦਰਜ ਕੀਤੀ ਗਈ। ਇਸ ਤੋਂ ਇਲਾਵਾ Religion ਦੇ ਆਧਾਰ 'ਤੇ ਹੋਣ ਵਾਲੇ ਅਪਰਾਧ ਲਗਭਗ ਸਥਿਰ ਰਹੇ, ਜੋ ਕਿ 2020 ਤੋਂ 2023 ਦਰਮਿਆਨ 154 ਫੀਸਦੀ ਵਧੇ ਸਨ।
ਗੌਰਤਲਬ ਹੈ ਕਿ ਇਸ ਗੰਭੀਰ ਮੁੱਦੇ ਨਾਲ ਨਜਿੱਠਣ ਲਈ ਲਿਬਰਲ ਸਰਕਾਰ ਨੇ ਇੱਕ ਨਵਾਂ ਹੇਟ ਕ੍ਰਾਈਮ ਬਿੱਲ ਪੇਸ਼ ਕੀਤਾ ਹੈ। ਇਸ ਬਿੱਲ ਰਾਹੀਂ ਕ੍ਰਿਮੀਨਲ ਕੋਡ ਵਿਚ ਨਵੇਂ ਜੁਰਮ ਸ਼ਾਮਲ ਕੀਤੇ ਜਾਣਗੇ ਅਤੇ ਕੈਨੇਡੀਅਨ ਕਾਨੂੰਨ ਵਿਚ ਪਹਿਲੀ ਵਾਰ ਨਫ਼ਰਤ ਸ਼ਬਦ ਨੂੰ ਸਪੱਸ਼ਟ ਤੌਰ 'ਤੇ ਪਰਿਭਾਸ਼ਿਤ ਕੀਤਾ ਜਾਵੇਗਾ ਅਤੇ ਜਨਤਕ ਥਾਵਾਂ 'ਤੇ ਨਫ਼ਰਤ ਫੈਲਾਉਣ ਵਾਲੇ ਸਿੰਬਲਸ ਦੀ ਵਰਤੋਂ 'ਤੇ ਪਾਬੰਦੀ ਲਗਾਈ ਜਾਵੇਗੀ।
