ਨੈਨਾਈਮੋ ਨੇੜੇ ਸੜਕ ਹਾਦਸੇ 'ਚ ਨੌਜਵਾਨ ਦੀ ਹੋਈ ਮੌਤ, ਤੇ ਇਕ ਜ਼ਖ਼ਮੀ

ਨੈਨਾਈਮੋ ਵਿਚ ਬੀਤੀ ਰਾਤ ਇੱਕ ਕਾਲੇ ਰੰਗ ਦੀ ਔਡੀ S3 ਸੇਡਾਨ ਨਾਲ ਵੱਡੀ ਘਟਨਾ ਵਾਪਰੀ, ਜਿਸ ਮਗਰੋਂ ਇਸ ਵਿਚ ਅੱਗ ਲੱਗ ਗਈ ਅਤੇ ਇੱਕ 18 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ। ਬੀ.ਸੀ.ਹਾਈਵੇਅ ਪੈਟਰੋਲ ਮੁਤਾਬਕ,ਇਹ ਘਟਨਾ ਰਾਤ 10.30 ਵਜੇ ਦੇ ਆਸਪਾਸ ਮੋਰਡਨ ਰੋਡ ਦੇ ਇੰਟਰਸੈਕਸ਼ਨ ਕੋਲ ਹਾਈਵੇਅ 1 ਦੀ ਨੌਰਥਬਾਊਂਡ ਲੇਨ ਵਿਚ ਵਾਪਰੀ।

ਗਵਾਹਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਸਮੇਂ ਇੱਕ ਦੂਜੀ ਗੂੜੇ ਰੰਗ ਦੀ ਕਾਰ ਵੀ ਇਸੇ ਇਲਾਕੇ ਵਿਚ ਚੱਲ ਰਹੀ ਸੀ ਜੋ ਔਡੀ ਦੇ ਹਾਦਸਾਗ੍ਰਸਤ ਹੋਣ 'ਤੇ ਵੀ ਨਹੀਂ ਰੁਕੀ। ਇਨਵੈਸਟੀਗੇਟਰਸ ਨੇ ਕਿਹਾ ਕਿ ਇਸ ਵਿਚ ਅਪਰਾਧ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਮਾਮਲੇ ਵਿਚ ਪੁਲਿਸ ਵਲੋਂ ਡੈਸ਼ ਕੈਮਰਾ ਵੀਡੀਓ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ।

ਬੀ.ਸੀ.ਹਾਈਵੇਅ ਪੈਟਰੋਲ ਦੇ ਕਾਰਪੋਰੇਸ਼ਨਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਦੂਜੀ ਗੱਡੀ ਬਲੈਕ ਹੋਂਡਾ ਸਿਵਿਕ ਸੀ,ਹੁਣ ਤੱਕ ਉਸ ਕਾਰ ਜਾਂ ਡਰਾਈਵਰ ਦੀ ਪਛਾਣ ਨਹੀਂ ਹੋ ਸਕੀ ਹੈ ਅਤੇ ਲੋਕਾਂ ਨੂੰ ਜਾਂਚ ਵਿਚ ਸਹਿਯੋਗ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਔਡੀ ਚਲਾ ਰਹੇ 19 ਸਾਲਾ ਨੈਨਾਈਮੋ ਦੇ ਨੌਜਵਾਨ ਨੂੰ ਜ਼ਖਮੀ ਹਾਲਤ ਵਿਚ ਹਸਪਤਾਲ ਗਿਆ,ਉਸ ਨੂੰ ਕੋਈ ਜਾਨਲੇਵਾ ਸੱਟਾਂ ਨਹੀਂ ਸਨ,ਜਦੋਂ ਕਿ ਉਸ ਨਾਲ ਸਵਾਰ ਦੂਜੇ ਨੌਜਵਾਨ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।