16.17C Vancouver 16.17C VancouverFeb 25, 2022 12:18 AM - Connect News
ਰਿਚਮੰਡ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਸ਼ਹਿਰ 'ਚ ਇੱਕ 88 ਸਾਲਾ ਔਰਤ ਨੂੰ ਡਕੈਤੀ ਦਾ ਨਿਸ਼ਾਨਾ ਬਣਾਇਆ ਗਿਆ ਹੈ।
ਮਾਮਲਾ ਬੀਤੇ ਹਫ਼ਤੇ ਦਾ ਦੱਸਿਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਰਿਚਮੰਡ ਦੀ ਨਿਵਾਸੀ ਐਕਰਾਇਡ ਰੋਡ ਦੇ 8200 ਬਲੌਕ ਕੋਲ ਤੁਰ ਕੇ ਜਾ ਰਹੀ ਸੀ।
ਉਹ ਪਾਰਕਿੰਗ ਲੌਟ ਕੋਲ ਸੀ ਜਦ ਦੁਪਹਿਰ ਕਰੀਬ 2.30 ਵਜੇ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ।
ਇੱਕ ਚਾਂਦੀ ਰੰਗੀ ਐਸ.ਯੂ.ਵੀ. ਉਨ੍ਹਾਂ ਕੋਲ ਪਹੁੰਚੀ ਅਤੇ ਔਰਤ ਨੂੰ ਗੱਡੀ 'ਚ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਗਈ।
ਇਸੇ ਦੌਰਾਨ ਉਸ ਦਾ ਪਰਸ ਖੋਹਣ ਦੀ ਵੀ ਕੋਸ਼ਿਸ਼ ਕੀਤੀ ਗਈ।
ਸ਼ੱਕੀ ਨੂੰ ਕਾਮਯਾਬੀ ਨਹੀਂ ਮਿਲੀ ਅਤੇ ਉਹ ਮੌਕੇ ਤੋਂ ਰਫੂਚੱਕਰ ਹੋ ਗਿਆ।
ਔਰਤ ਨੂੰ ਸੱਟਫੇਟ ਤੋਂ ਬਚਾਅ ਰਿਹਾ ਪਰ ਪੁਲਿਸ ਨੇ ਦੱਸਿਆ ਕਿ ਔਰਤ ਘਟਨਾ ਤੋਂ ਬਾਅਦ ਸਦਮੇ ਵਿੱਚ ਸੀ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
