15.14C Vancouver 15.14C VancouverAug 28, 2025 6:32 PM - Connect Newsroom
ਲੈਂਗਲੀ ਵਿਚ ਸਾਲਾਨਾ ਕਲਾਸਿਕ ਕਾਰ ਸ਼ੋਅ ਤੋਂ ਪਹਿਲਾਂ ਪੁਲਿਸ ਵਲੋਂ ਪੈਟਰੋਲਿੰਗ ਵਧਾਈ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਲੈਂਗਲੀ ਗੁੱਡ ਟਾਈਮਜ਼ ਕਰੂਜ਼-ਇਨ ਦੌਰਾਨ ਹਰ ਸਾਲ ਹਜ਼ਾਰਾਂ ਸੈਲਾਨੀ ਪਹੁੰਚਦੇ ਹਨ ਪਰ ਪਿਛਲੇ ਦੋ ਸਾਲਾਂ ਵਿਚ ਪੁਲਿਸ ਨੇ ਇਸ ਆਯੋਜਨ ਤੋਂ ਪਹਿਲਾਂ ਦੇ ਦਿਨਾਂ ਵਿਚ ਵੱਡੇ ਅਤੇ ਗੈਰ-ਕਾਨੂੰਨੀ ਕਾਰ ਇਕੱਠ ਨੂੰ ਦੇਖਿਆ ਹੈ ਅਤੇ ਉਨ੍ਹਾਂ 'ਤੇ ਕਾਰਵਾਈ ਕੀਤੀ ਹੈ।
ਲੈਂਗਲੀ ਆਰ.ਸੀ.ਐਮ.ਪੀ.ਨੇ ਵਾਰਨਿੰਗ ਦਿੱਤੀ ਕਿ ਬਿਨਾਂ ਮਨਜ਼ੂਰੀ ਵਾਲੇ ਕਾਰ ਇਕੱਠ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਅਤੇ ਪੁਲਿਸ ਅਧਿਕਾਰੀ ਕਰੂਜ਼-ਇਨ ਤੋਂ ਪਹਿਲਾਂ ਅਤੇ ਇਸ ਦੌਰਾਨ ਸਰਗਰਮ ਰੂਪ ਤੋਂ ਕਾਰਵਾਈ ਕਰਨਗੇ। ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਕਰੂਜ਼-ਇਨ੍ਹਾਂ ਸਾਰਿਆਂ ਲਈ ਸੁਰੱਖਿਅਤ ਅਤੇ ਆਨੰਦਦਾਇਕ ਸਮਾਗਮ ਰਹੇ ਅਤੇ ਗੈਰ-ਕਾਨੂੰਨੀ ਕਾਰ ਇਕੱਠ ਨਾ ਹੋਣ।
ਉਨ੍ਹਾਂ ਕਿਹਾ ਕਿ ਜੇ ਕੋਈ ਚਿਤਾਵਨੀ ਨੂੰ ਨਜ਼ਰਅੰਦਾਜ਼ ਕਰਦਾ ਹੈ ਤਾਂ ਉਸ ਨੂੰ ਜੁਰਮਾਨਾ, ਗੱਡੀ ਜਬਤ ਹੋਣ ਅਤੇ ਅਪਰਾਧਿਕ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਗੌਰਤਲਬ ਹੈ ਕਿ ਲੈਂਗਲੀ ਗੁੱਡ ਟਾਈਮਜ਼ ਕਰੂਜ਼-ਇਨ ਦਾ ਆਯੋਜਨ 6 ਸਤੰਬਰ ਨੂੰ ਹੋਣ ਵਾਲਾ ਹੈ।
