18.7C Vancouver 18.7C VancouverSep 24, 2020 10:22 PM -
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਕੋਵਿਡ-19 ਸੰਬੰਧੀ ਰੈਪਿਡ ਟੈਸਟਿੰਗ ਡਿਵਾਈਸਿਸ ਬਾਰੇ ਰੀਵਿਊ ਦੇ ਜਾਣਕਾਰੀ ਫ਼ਿਲਹਾਲ ਨਹੀਂ ਦਿੱਤੀ ਜਾ ਸਕਦੀ।
ਫੈਡਰਲ ਸਰਕਾਰ 'ਤੇ ਦਬਾਅ ਵੱਧ ਰਿਹਾ ਹੈ ਕਿ ਵਧੇਰੇ ਤੇਜ਼ੀ ਨਾਲ ਟੈਸਟ ਕੀਤੇ ਜਾਣ ਦੀ ਪ੍ਰਕਿਰਿਆ ਨੂੰ ਹੋਂਦ 'ਚ ਲਿਆਂਦਾ ਜਾਵੇ।
ਕੋਵਿਡ-19 ਟੈਸਟਿੰਗ ਦੀ ਵੱਧਦੀ ਡਿਮਾਂਡ 'ਤੇ ਖਰਾ ਉੱਤਰਨਾ, ਹਸਪਤਾਲਾਂ ਅਤੇ ਪਬਲਿਕ ਹੈਲਥ ਅਜੈਂਸੀਆਂ ਲਈ ਮੁਸ਼ਕਿਲ ਹੋ ਰਿਹਾ ਹੈ।
ਡਿਪਟੀ ਕੰਜ਼ਰਵੇਟਿਵ ਲੀਡਰ ਕੈਂਡਿਸ ਬਰਗਨ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਮਾਰਚ ਵਿੱਚ ਵਾਅਦਾ ਕੀਤਾ ਸੀ ਕਿ, ਰੈਪਿਡ ਟੈਸਟ ਡਿਵਾਈਸ ਹਾਸਿਲ ਕਰਨਾ ਸਰਕਾਰ ਦੀ ਤਰਜੀਹ ਹੋਵੇਗੀ, ਪਰ ਅੱਧਾ ਸਾਲ ਬੀਤ ਗਿਆ ਅਤੇ ਹੁਣ ਤੱਕ ਕੁਝ ਨਹੀਂ ਕੀਤਾ ਗਿਆ।
ਹੈਲਥ ਕੈਨੇਡਾ ਵੱਲੋਂ ਘਟੋ-ਘੱਟ 14 ਅਜਿਹੀਆਂ ਡਿਵਾਇਸਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਵਿਭਾਗ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਅਸੈਸਮੈਂਟ ਪ੍ਰੀਕਿਰਿਆ ਦੌਰਾਨ ਇਸ 'ਤੇ ਟਿੱਪਣੀ ਨਹੀਂ ਕੀਤੀ ਜਾ ਸਕਦੀ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਇਹ ਸਿਆਸਤਦਾਨਾਂ ਲਈ ਗਲਤ ਹੋਵੇਗਾ ਕਿ ਹੈਲਥ ਕੈਨੇਡਾ 'ਤੇ ਕਿਸੇ ਵੀ ਅਜਿਹੀ ਡਿਵਾਈਸ ਦੀ ਪੂਰੀ ਜਾਂਚ ਤੋਂ ਪਹਿਲਾਂ, ਐਪਰੂਵ ਕਰਨ ਦਾ ਜ਼ੋਰ ਪਾਇਆ ਜਾਵੇ।
