13.67C Vancouver 13.67C VancouverSep 26, 2025 4:45 PM - The Canadian Press
ਵੈਨਕੂਵਰ ਪੋਰਟ ਨੇ 2025 ਦੇ ਪਹਿਲੇ ਛੇ ਮਹੀਨਿਆਂ ਦੌਰਾਨ ਰਿਕਾਰਡ 85 ਮਿਲੀਅਨ ਮੀਟ੍ਰਿਕ ਟਨ ਮਾਲ ਦੀ ਆਵਾਜਾਈ ਦਰਜ ਕੀਤੀ ਹੈ, ਜੋ 2024 ਦੇ ਇਸੇ ਸਮੇਂ ਨਾਲੋਂ 13 ਫੀਸਦੀ ਦਾ ਵਾਧਾ ਹੈ। ਇਹ ਵਾਧਾ ਮੁੱਖ ਤੌਰ 'ਤੇ ਟਰਾਂਸ ਮਾਊਂਟੇਨ ਪਾਈਪਲਾਈਨ ਦੇ ਵਿਸਥਾਰ ਨਾਲ ਕੱਚੇ ਤੇਲ ਦੇ ਐਕਸਪੋਰਟ ਵਿਚ ਭਾਰੀ ਵਾਧੇ ਦੇ ਮੱਦੇਨਜ਼ਰ ਹੋਇਆ ਹੈ।
ਵੈਨਕੂਵਰ ਫਰੇਜ਼ਰ ਪੋਰਟ ਅਥਾਰਿਟੀ ਮੁਤਾਬਕ, ਇਸ ਵਾਰ ਕੱਚੇ ਤੇਲ ਦੇ ਐਕਸਪੋਰਟ 2024 ਦੇ ਪਹਿਲੇ ਅੱਧ ਨਾਲੋਂ ਲਗਭਗ ਪੰਜ ਗੁਣਾ ਵੱਧ ਸੀ। ਉਥੇ ਹੀ, ਕੈਨੋਲਾ ਤੇਲ ਦਾ ਵੈਨਕੂਵਰ ਬੰਦਰਗਾਹ ਰਾਹੀਂ ਐਕਸਪੋਰਟ ਇਸ ਦੌਰਾਨ 72 ਫੀਸਦੀ ਵੱਧ ਕੇ 700,000 ਮੀਟ੍ਰਿਕ ਤੱਕ ਪਹੁੰਚ ਗਿਆ ਕਿਉਂਕਿ ਇਸ ਦੀ ਸਪਲਾਈ ਚੀਨ ਅਤੇ ਅਮਰੀਕਾ ਤੋਂ ਇਲਾਵਾ ਹੋਰ ਬਾਜ਼ਾਰਾਂ ਵਿਚ ਵੀ ਕੀਤੀ ਗਈ।
ਵੈਨਕੂਵਰ ਫਰੇਜ਼ਰ ਪੋਰਟ ਅਥਾਰਿਟੀ ਦੇ ਪ੍ਰਧਾਨ ਅਤੇ ਸੀ. ਈ. ਓ. ਪੀਟਰ ਜ਼ੋਟਾ ਨੇ ਕਿਹਾ ਕਿ ਰਿਕਾਰਡ ਵੌਲਯੂਮ ਕੈਨੇਡਾ ਦੇ ਆਪਣੇ ਵਪਾਰਕ ਸਬੰਧਾਂ ਨੂੰ ਅਮਰੀਕਾ ਤੋਂ ਹਟਾ ਕੇ ਏਸ਼ੀਆਈ ਬਾਜ਼ਾਰਾਂ ਵੱਲ ਲਿਜਾਣ ਦੀਆਂ ਕੋਸ਼ਿਸ਼ਾਂ ਦਾ ਇੱਕ ਸਕਾਰਾਤਮਕ ਸੰਕੇਤ ਹੈ।
