13.87C Vancouver 13.87C VancouverApr 4, 2025 6:45 PM - Connect Newsroom
ਪ੍ਰੀਮੀਅਰ ਡੇਵਿਡ ਈਬੀ ਅੱਜ ਪ੍ਰਿੰਸ ਜੌਰਜ ਵਿਚ ਜੰਗਲਾਤ ਖੇਤਰ ਦੇ ਪ੍ਰਮੁੱਖਾਂ ਨਾਲ ਬੈਠਕ ਕਰ ਰਹੇ ਹਨ, ਜਿਸ ਵਿਚ ਬੀ. ਸੀ. ਦੀ ਇਸ ਸਭ ਤੋਂ ਵੱਡੇ ਨਿਰਯਾਤ ਉਦਯੋਗ ਨੂੰ ਟੈਰਿਫ ਤੋਂ ਰੱਖਿਆ ਕਰਨ ਦੇ ਤਰੀਕਿਆਂ 'ਤੇ ਚਰਚਾ ਕੀਤੀ ਜਾਵੇਗੀ। ਈਬੀ ਵਲੋਂ ਚਿੰਤਾ ਜਤਾਈ ਗਈ ਹੈ ਕਿ ਟਰੰਪ ਬੀ.ਸੀ. ਦੇ ਸਾਫਟਵੁੱਡ ਦੀ ਲੱਕੜ 'ਤੇ ਮੌਜੂਦਾ 14.5 ਫੀਸਦੀ ਡਿਊਟੀ ਤੋਂ ਇਲਾਵਾ ਹੋਰ ਟੈਰਿਫ ਲਗਾ ਸਕਦੇ ਹਨ।
ਬੀ.ਸੀ. ਦਾ ਜੰਗਲਾਤ ਖੇਤਰ ਸੂਬੇ ਦੀਆਂ ਸਭ ਤੋਂ ਮਹੱਤਵਪੂਰਨ ਨਿਰਯਾਤ ਉਦਯੋਗ ਵਿਚੋਂ ਇੱਕ ਹੈ। ਸੂਬੇ ਦੀ ਜੀ. ਡੀ. ਪੀ. ਵਿਚ ਇਸ ਦਾ $17.4 ਬਿਲੀਅਨ ਦਾ ਯੋਗਦਾਨ ਹੈ ਅਤੇ ਇਹ ਸੈਕਟਰ ਹਜ਼ਾਰਾਂ ਲੋਕਾਂ ਨੂੰ ਨੌਕਰੀਆਂ ਦਿੰਦਾ ਹੈ। ਅਮਰੀਕਾ ਦਾ ਲਗਾਤਾਰ ਇਹ ਦੋਸ਼ ਹੈ ਕਿ ਬੀ. ਸੀ. ਆਪਣੇ ਲੱਕੜ ਉਦਯੋਗ ਨੂੰ ਸਬਸਿਡੀ ਦਿੰਦਾ ਹੈ।
ਬਿਜ਼ਨਸ ਕੌਂਸਲ ਆਫ ਬੀ.ਸੀ. ਮੁਤਾਬਕ, ਜੇ ਟਰੰਪ ਵਾਧੂ 25 ਫੀਸਦੀ ਟੈਰਿਫ ਲਗਾਉਂਦੇ ਹਨ ਤਾਂ ਇਹ ਵਿਨਾਸ਼ਕਾਰੀ ਸਾਬਤ ਹੋ ਸਕਦਾ ਹੈ, ਜਿਸ ਨਾਲ ਵਰਕਰਾਂ ਦੀ ਛਾਂਟੀ ਅਤੇ ਮਿੱਲਾਂ ਬੰਦ ਹੋ ਸਕਦੀਆਂ ਹਨ।
