14.23C Vancouver 14.23C VancouverMar 6, 2026 8:25 PM - Pervez Sandhu - Connect Newsroom
ਅੱਜ ਬੀ.ਸੀ. ਦੇ ਪ੍ਰੀਮਿਅਰ ਡੇਵਿਡ ਇਬੀ ਸਰੀ ਪਹੁੰਚੇ।
ਸਵੇਰ ਕਰੀਬ 10 ਵਜੇ ਉਨ੍ਹਾਂ ਸਰੀ ਦੇ 180 ਸਟ੍ਰੀਟ ਅਤੇ ਜੇਮਸ ਹਿੱਲ ਡਰਾਈਵ ਕੋਲ ਉਸਾਰੇ ਜਾ ਰਹੇ ਨਵੇਂ ਸਰੀ ਹਸਪਤਾਲ ਅਤੇ ਬੀ.ਸੀ. ਕੈਂਸਰ ਸੈਂਟਰ ਦਾ ਦੌਰਾ ਕੀਤਾ।
ਹਸਪਤਾਲ ਸੰਬੰਧੀ ਨੁਮਾਇੰਦਿਆਂ ਨਾਲ ਉਨ੍ਹਾਂ ਕੰਸਟ੍ਰਕਸ਼ਨ ਕਾਰਜਾਂ ਅਤੇ ਹਸਪਤਾਲ ਸੰਬੰਧੀ ਤਕਨੀਕੀ ਗੱਲਬਾਤ ਕੀਤੀ।
ਕੰਸਟ੍ਰਕਸ਼ਨ ਸੰਬੰਧੀ ਦੌਰੇ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਪ੍ਰੀਮਿਅਰ ਇਬੀ ਨੇ ਕਿਹਾ ਕਿ ਆਖਰੀ ਵਾਰ ਜਦ ਉਹ ਇਸ ਜਗ੍ਹਾ ਆਏ ਸਨ ਤਾਂ ਇਸ ਜਗ੍ਹਾ ਟੋਏ ਪੱਟੇ ਹੋਏ ਸਨ, ਅਤੇ ਅੱਜ ਇੱਥੇ ਹਸਪਤਾਲ ਦੀ ਉਸਾਰੀ ਦਾ ਕੰਮ ਸਹੀ ਦਿਸ਼ਾ 'ਚ ਅੱਗੇ ਵਧ ਰਿਹਾ ਹੈ।
ਪ੍ਰੀਮਿਅਰ ਨੇ ਅੱਜ ਦੇ ਦੌਰੇ ਮੌਕੇ ਜਿਹੜੇ-ਜਿਹੜੇ ਥਾਵਾਂ ਦੀ ਜਾਣਕਾਰੀ ਇਕੱਤਰ ਕੀਤੀ, ਉਸ ਸੰਬੰਧੀ ਦੱਸਦੇ ਹੋਏ ਆਖਿਆ ਕਿ ਟਰੇਡ ਟੀਮਾਂ ਡਾਕਟਰਾਂ ਅਤੇ ਮਾਹਿਰਾਂ ਨਾਲ ਰਲ ਕੇ ਕੰਮ ਕਰ ਰਹੀਆਂ ਹਨ ਤਾਂ ਜੋ ਪ੍ਰੀਵਾਰਾਂ ਅਤੇ ਮਰੀਜ਼ਾਂ ਦੀਆਂ ਲੋੜਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਉਸਾਰੀ ਕਾਰਜ ਪੂਰੇ ਕੀਤੇ ਜਾਣ।
ਉਨ੍ਹਾਂ ਆਖਿਆ ਕਿ ਇਹ ਇੱਕ ਬੇਹੱਦ ਹਾਈ ਤਕਨੀਕ ਵਾਲਾ ਹਸਪਤਾਲ ਅਤੇ ਕੈਂਸਰ ਸੈਂਟਰ ਹੋਵੇਗਾ।
ਉਨ੍ਹਾਂ ਆਖਿਆ ਕਿ ਇਹ ਹਸਪਤਾਲ ਆਪਣੀਆਂ ਕੰਧਾਂ ਤੋਂ ਬਾਹਰ ਕਮਿਊਨਿਟੀ ਤੱਕ ਆਪਣਾ ਦਾਇਰਾ ਵਧਾਉਂਦਾ ਹੈ।
ਉਨ੍ਹਾਂ ਆਖਿਆ ਕਿ ਇਹ ਹਸਪਤਾਲ ਸਰੀ 'ਚ ਹੁੰਦੀ ਗਰੋਥ ਦੀ ਤਸਵੀਰ ਪੇਸ਼ ਕਰਦਾ ਹੈ।
