12.6C Vancouver 12.6C VancouverSep 22, 2025 5:29 PM - Connect Newsroom
ਪ੍ਰੀਮੀਅਰ ਡੇਵਿਡ ਈਬੀ ਬੀ. ਸੀ.ਦੀ ਸਾਫ਼ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਵਿਚ ਨਿਵੇਸ਼ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ ਨਿਊਯਾਰਕ ਦੌਰੇ 'ਤੇ ਹਨ। ਉਨ੍ਹਾਂ ਦਾ ਇਹ ਦੌਰਾ ਮੰਗਲਵਾਰ ਤੱਕ ਲਈ ਹੈ, ਜਿਥੇ ਉਹ ਨਿਊਯਾਰਕ ਕਲਾਈਮੇਟ ਵੀਕ ਦੌਰਾਨ ਦੁਨੀਆ ਭਰ ਦੇ ਇੰਡਸਟਰੀ ਨਿਵੇਸ਼ਕਾਂ ਨਾਲ ਮੁਲਾਕਾਤ ਕਰਨਗੇ, ਤਾਂ ਜੋ ਉਨ੍ਹਾਂ ਨੂੰ ਬੀ. ਸੀ. ਦੇ ਸਾਫ਼ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਖੇਤਰ ਵਿਚ ਨਿਵੇਸ਼ ਲਈ attracts ਕੀਤਾ ਜਾ ਸਕੇ।
ਪ੍ਰੀਮੀਅਰ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਹਾਲ ਹੀ ਵਿਚ ਕੈਨੇਡਾ ਦੇ ਮੇਜਰ ਪ੍ਰਾਜੈਕਟ ਵਿਚ ਬੀ. ਸੀ. ਨੂੰ ਸ਼ਾਮਲ ਕਰਨ ਨਾਲ ਸਾਡੀ ਗਲੋਬਲ ਪੱਧਰ 'ਤੇ ਇੱਕ ਸਥਾਈ, ਸੁਰੱਖਿਆ ਅਤੇ ਸਮਾਵੇਸ਼ੀ ਆਰਥਿਕ ਵਿਕਾਸ ਵਜੋਂ ਪਛਾਣ ਵਧੀ ਹੈ ਅਤੇ ਉਹ ਅੰਤਰਰਾਸ਼ਟਰੀ ਨਿਵੇਸ਼ਕਾਂ ਨੂੰ ਇਨ੍ਹਾਂ ਮੌਕਿਆਂ ਲਈ ਬੀ. ਸੀ. ਵਿਚ ਨਿਵੇਸ਼ ਕਰਨ ਦਾ ਸੱਦਾ ਦੇਣਗੇ।
ਈਬੀ ਨੇ ਕਿਹਾ ਕਿ ਬੀ. ਸੀ. ਨਵੀਂ ਕੈਨੇਡੀਅਨ ਅਰਥਵਿਵਸਥਾ ਦਾ ਇੰਜਣ ਬਣ ਰਿਹਾ ਹੈ ਅਤੇ ਇਹ ਨਿਵੇਸ਼ਕਾਂ ਅਤੇ ਵਿੱਤੀ ਸੰਸਥਾਵਾਂ ਲਈ ਇੱਕ ਪੀੜ੍ਹੀ-ਦਰ-ਪੀੜ੍ਹੀ ਮੌਕਾ ਹੈ ਕਿ ਉਹ ਬੀ. ਸੀ. ਵਿਚ ਸਾਡੇ ਨਾਲ ਮਿਲ ਕੇ ਇਨ੍ਹਾਂ ਸੈਕਟਰਸ ਨੂੰ ਅੱਗ ਵਧਾਉਣ ਅਤੇ ਇੱਥੇ ਚੰਗੀਆਂ ਨੌਕਰੀਆਂ ਪੈਦਾ ਕਰਨ। ਉਨ੍ਹਾਂ ਕਿਹਾ ਕਿ ਇਹ ਮਿਸ਼ਨ ਬੀ.ਸੀ. ਦੇ ਵਪਾਰ ਵਿਭਿੰਨਤਾ ਦੀ ਰਣਨੀਤੀ ਦਾ ਵੀ ਹਿੱਸਾ ਹੈ।
