13.71C Vancouver 13.71C VancouverJul 9, 2020 10:38 PM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਬੀ.ਸੀ. ਵਿੱਚ ਮੁੜ ਤੋਂ ਸ਼ੁਰੂਆਤ ਹੋਣ 'ਤੇ ਸਕਾਰਾਤਮਕ ਨਤੀਜੇ ਰਹੇ ਹਨ ਅਤੇ ਹੁਣ ਵਧੇਰੇ ਕੰਮ ਜਾਰੀ ਹੋ ਗਏ ਹਨ ਅਤੇ ਵਧੇਰੇ ਲੋਕ ਕੰਮ 'ਤੇ ਵਾਪਸੀ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਟ੍ਰਾਂਜ਼ਿਟ ਅਤੇ ਫੈਰੀਜ਼ 'ਤੇ ਸਵਾਰ ਹੋ ਰਹੇ ਯਾਤਰੀਆਂ ਦੀ ਗਿਣਤੀ 'ਚ ਵੀ ਵਾਧਾ ਹੋਇਆ ਹੈ।
ਹੌਰਗਨ ਨੇ ਕਿਹਾ ਕਿ ਟੀ.ਵੀ. ਅਤੇ ਫਿਲਮ ਦੀ ਪ੍ਰੋਡਕਸ਼ਨ ਵੀ ਮੁੜ ਤੋਂ ਸ਼ੁਰੂ ਹੋ ਗਈ ਹੈ।
ਰੈਸਟੂਰੈਂਟਾਂ 'ਚ ਵੀ ਲੋਕਾਂ ਦੀ ਆਵਾਜਾਈ 'ਚ ਵਾਧਾ ਵੇਖਣ ਨੂੰ ਮਿਲਿਆ ਹੈ।
ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਦੇ ਵਾਇਰਸ ਸੰਬੰਧੀ ਫੈਲਾਅ ਨੂੰ ਘੱਟ ਰੱਖਣ ਦੇ ਯਤਨ ਸਹੀ ਦਿਸ਼ਾ 'ਚ ਜਾਂਦੇ ਵਿਖਾਈ ਦੇ ਰਹੇ ਹਨ।
ਯਾਦ ਰਹੇ ਬੀ.ਸੀ. ਦੇ ਨੌਕਰੀਆਂ ਦੇ ਤਾਜ਼ਾ ਅੰਕੜੇ ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਜਾਣਗੇ ਅਤੇ ਕੱਲ ਵਿੱਤ ਮੰਤਰੀ ਕਾਰਲ ਜੇਮਜ਼ ਵੱਲੋਂ ਵਿੱਤੀ ਅੰਕੜੇ ਸਾਂਝੇ ਕੀਤੇ ਜਾਣੇ ਹਨ।
ਬੀਤੇ ਮਹੀਨੇ ਬੀ.ਸੀ. ਦਾ ਨੌਕਰੀਆਂ ਗਵਾਉਣ ਦਾ ਅੰਕੜਾ 13.4% ਦਾ ਸੀ।
ਪੈਂਡੇਮਿਕ ਦੀ ਸ਼ੁਰੂਆਤ ਤੋਂ ਹੁਣ ਤੱਕ 3,50,000 ਨੌਕਰੀਆਂ ਜਾਣ ਬਾਰੇ ਦੱਸਿਆ ਜਾ ਰਿਹਾ ਹੈ।
