10.83C Vancouver 10.83C VancouverMay 7, 2020 1:47 AM -
ਬੀ.ਸੀ. ਸਰਕਾਰ ਨੇ ਸ਼ਰੀਰਕ ਦੂਰੀ ਅਤੇ ਸੁਰੱਖਿਆ ਸਬੰਧੀ ਖਾਸ ਦਿਸ਼ਾ ਨਿਰਦੇਸ਼ਾਂ ਦਾ ਧਿਆਨ ਰੱਖਦੇ ਹੋਏ ਮਈ ਦੇ ਅੱਧ ਤੋਂ , ਵਧੇਰੇ ਸਮਾਜਿਕ ਅਤੇ ਆਰਥਿਕ ਗਤੀਵਿਧੀ ਦੀ ਇਜਾਜ਼ਤ ਦੇ ਦਿੱਤੀ ਹੈ।
ਬ੍ਰਿਟਿਸ਼ ਕੋਲੰਬੀਅਨਸ ਦੇ ਲਈ ਸਿਹਤ ਅਤੇ ਮੈਡੀਕਲ ਸਬੰਧੀ ਸੇਵਾਵਾਂ, ਇਲੈਕਟਿਵ ਸਰਜਰੀਆਂ, ਰਿਟੇਲ ਵਪਾਰ, ਵਾਲਾਂ ਦੇ ਸਲੂਨ (hair salons), ਰੈਸਟੋਰੈਂਟਸ, ਟਰਾਂਜ਼ਿਟ ਸੇਵਾਵਾਂ, ਦਿਨ ਦੇ ਸਮੇਂ ਵਿੱਚ ਪਾਰਕਸ ਅਤੇ ਬੀਚ, ਅਤੇ ਚਾਈਲਡਕੇਅਰ ਨੂੰ ਸਿਹਤ ਅਧਿਕਾਰੀਆਂ, ਕਾਰੋਬਾਰਾਂ ਅਤੇ ਲੇਬਰ ਸੰਸਥਾਵਾਂ ਨਾਲ ਮਿਲ ਕੇ ਦੁਬਾਰਾ ਖੋਲ੍ਹਿਆ ਜਾਵੇਗਾ।
ਜਿਨ੍ਹਾਂ ਸੈਕਟਰਸ ਨੂੰ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਗਏ ਸਨ ਉਨ੍ਹਾਂ ਨੂੰ ਵਰਕਸੇਫ ਬੀ.ਸੀ. (WorksafeBC) ਦੇ ਨਾਲ ਮਿਲ ਕੇ ਸੁਰੱਖਿਅਤ ਤੌਰ ਤੇ ਦੁਬਾਰਾ ਖੋਲ੍ਹਣ ਦੀਆਂ ਯੋਜਨਾਵਾਂ ਬਣਾਉਣ ਲਈ ਕਿਹਾ ਜਾਵੇਗਾ।
ਬੀ.ਸੀ. ਦੇ ਲੈਜਿਸਲੇਚਰ ਨੂੰ ਵੀ ਦੁਬਾਰਾ ਖੋਲਿਆ ਜਾ ਰਿਹਾ ਹੈ।
ਵਿਕਟੋਰੀਆ ਵਿੱਚ ਇਸ ਸਬੰਧੀ ਐਲਾਨ ਕਰਦਿਆਂ ਪ੍ਰੀਮੀਅਰ ਜੌਨ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਇੱਕ ਨਵੀਂ ਸਾਧਾਰਨਤਾ ਵੱਲ ਵਧ ਰਿਹਾ ਹੈ। ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ 50 ਤੋਂ ਵੱਧ ਲੋਕਾਂ ਦੇ ਇਕੱਠ ਤੇ ਪਾਬੰਦੀ ਅਜੇ ਵੀ ਲਾਗੂ ਰਹੇਗੀ।
ਇਸ ਤੋਂ ਪਹਿਲਾਂ ਆਪਣੀ ਬ੍ਰੀਫਿੰਗ ਵਿੱਚ ਸਿਹਤ ਅਧਿਕਾਰੀਆਂ ਨੇ ਕਿਹਾ ਕਿ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨਾਲ 2 ਤੋਂ 6 ਤੱਕ ਦੀ ਗਿਣਤੀ ਵਿੱਚ ਸ਼ਰੀਰਕ ਦੂਰੀ ਰੱਖਦਿਆਂ ਮਿਲਿਆ ਜਾ ਸਕਦਾ ਹੈ।
ਬੀਮਾਰੀ ਜਾਂ ਬਿਮਾਰੀ ਦੇ ਲੱਛਣਾਂ ਵਾਲੇ ਲੋਕਾਂ, ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਦਫਤਰਾਂ, ਸਕੂਲਾਂ, ਡੇਕੇਅਰ ਅਤੇ ਐਕਸਟਰਾ ਕਰੀਕੁਲਰ ਐਕਟਿਵਿਟੀਜ਼ (extra curricular activities) ਤੋਂ ਦੂਰ ਰਹਿਣਾ ਹੋਵੇਗਾ।
ਕੇ-12 (K-12) ਸਕੂਲਾਂ ਵਿੱਚ ਇਸ ਸਕੂਲ ਈਅਰ (school year) ਵਿੱਚ ਬੱਚਿਆਂ ਦੀ ਚੋਣਵੀਂ (partial) ਵਾਪਸੀ ਹੋਵੇਗੀ।
ਜੇ Covid-19 ਦਾ ਪਹਿਲਾ ਪੜ੍ਹਾਅ ਘੱਟ ਰਹਿੰਦਾ ਹੈ ਤਾਂ ਅਗਲੇ ਪੜ੍ਹਾਅ ਵਿੱਚ ਹੋਟਲ ਅਤੇ ਰਿਜ਼ੌਰਟ ਜੂਨ ਵਿੱਚ, ਸਿਨੇਮਾ ਜੁਲਾਈ ਵਿੱਚ, ਸਥਾਨਕ ਫਿਲਮ ਇੰਡਸਟਰੀ ਜੂਨ ਜਾਂ ਜੁਲਾਈ ਵਿੱਚ ਅਤੇ K-12 ਸਕੂਲ ਪੂਰੀ ਤਰ੍ਹਾਂ ਸਤੰਬਰ ਵਿੱਚ ਖੁੱਲ੍ਹਣਗੇ।
ਪੋਸਟ ਸੈਕੰਡਰੀ ਵਿਦਿਆਰਥੀਆਂ ਲਈ ਸਤੰਬਰ ਵਿੱਚ ਵੀ ਕਲਾਸ ਵਿੱਚ ਅਤੇ ਔਨਲਾਈਨ ਪੜ੍ਹਾਈ (online education) ਦਾ ਮਿਸ਼ਰਣ ਜਾਰੀ ਰਹੇਗਾ।
