21.76C Vancouver 21.76C VancouverJun 18, 2020 12:27 AM -
ਬੀ.ਸੀ. ਸਰਕਾਰ ਨੇ ਕੋਵਿਡ-19 ਐਕਸ਼ਨ ਪਲੈਨ ਵਿੱਚ ਆਰਥਿਕ ਰਿਕਵਰੀ ਲਈ ਰੱਖੇ ਗਏ 1.5 ਬਿਲੀਅਨ ਡਾਲਰ ਨੂੰ ਖਰਚਣ ਦੀ ਰਣਨੀਤੀ ਬਣਾਉਣ ਲਈ ਬ੍ਰਿਟਿਸ਼ ਕੋਲੰਬੀਆ ਦੇ ਵਸਨੀਕਾਂ ਤੋਂ ਸਲਾਹ ਮੰਗੀ ਹੈ।
ਵਿਕਟੋਰੀਆ ਵਿੱਚ ਵਿੱਤ ਮੰਤਰੀ ਕੈਰਲ ਜੇਮਜ਼ ਨਾਲ ਪ੍ਰੈੱਸ ਕਾਨਫਰੰਸ ਵਿੱਚ ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਬ੍ਰਿਟਿਸ਼ ਕੋਲੰਬੀਆ ਦੇ ਵਸਨੀਕਾਂ ਦੀ ਸਲਾਹ ਦੇ ਲਈ ਆਨਲਾਈਨ ਸਰਵੇਖਣ ਤਿਆਰ ਕੀਤਾ ਗਿਆ ਹੈ।
ਇਸ ਵਿੱਚ ਪੁੱਛਿਆ ਗਿਆ ਹੈ ਕਿ ਪਰਿਵਾਰਾਂ ਨੂੰ ਸਹਾਇਤਾ ਦੇਣ ਵਾਲੀਆਂ ਚੰਗੀਆਂ ਨੌਕਰੀਆਂ ਪ੍ਰਦਾਨ ਕਰਨ ਲਈ ਕਿਹੜੇ ਕਦਮ ਚੁੱਕੇ ਜਾਣ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਦੀ ਅੱਗੇ ਵਧਣ ਦੀ ਯੋਜਨਾ ਵਿੱਚ ਵਾਤਾਵਰਨ ਤਬਦੀਲੀ ਨੂੰ ਅੱਗੇ ਰੱਖਣ ਦੀ ਜ਼ਰੂਰਤ ਹੈ।
ਇਸ ਮੌਕੇ 'ਤੇ ਕੈਰਲ ਜੇਮਜ਼ ਨੇ ਕਿਹਾ ਕਿ ਆਰਥਿਕ ਰਿਕਵਰੀ ਇੱਕ ਮੁਸ਼ਕਿਲ ਕੰਮ ਹੋਵੇਗਾ ਅਤੇ ਇਸ ਦੇ ਲਈ ਲੋਕਾਂ ਦੇ ਸਲਾਹ ਮਸ਼ਵਰੇ ਦੀ ਜ਼ਰੂਰਤ ਹੈ, ਜੋ ਕਿ ਅਗਲੇ ਛੇ ਹਫ਼ਤੇ 31 ਜੁਲਾਈ ਤੱਕ ਦਿੱਤੇ ਜਾ ਸਕਦੇ ਹਨ।
ਵਿੱਤ ਨੇ ਇਹ ਵੀ ਕਿਹਾ ਕਿ ਸਟ੍ਰਾਟਾ ਇਨਸ਼ੂਰੈਂਸ ਨਾਲ ਜੁੜੀ ਕੁਝ ਸਮੇਂ ਲਈ ਰਾਹਤ ਬਾਰੇ ਅਗਲੇ ਹਫ਼ਤੇ ਜਾਣਕਾਰੀ ਸਾਂਝੀ ਕੀਤੀ ਜਾਵੇਗੀ।
