18.66C Vancouver 18.66C VancouverJan 30, 2020 4:27 PM -
ਪ੍ਰੀਮੀਅਰ ਜਾਨ ਹਾਰਗਨ ਨੇ ਸਰ੍ਹੀ ਦੇ ਮੇਅਰ ਨੂੰ ਸ਼ਹਿਰ ਵਿੱਚ ਰਾਈਡ ਹੇਲਿੰਗ ਦੇ ਰਸਤੇ ਵਿੱਚ ਬੇਵਜ੍ਹਾ ਮੁਸ਼ਕਿਲਾਂ ਖੜ੍ਹੀਆਂ ਕਰਨ ਦਾ ਜ਼ਿੰਮੇਵਾਰ ਠਹਿਰਾਇਆ ਹੈ।
ਹਾਰਗਨ ਨੇ ਕਿਹਾ ਕਿ ਕਾਰੋਬਾਰ ਵਿੱਚ ਕੰਪੀਟੀਸ਼ਨ ਜਿੱਥੇ ਚੁਨੌਤੀਆਂ ਲੈ ਕੇ ਆਉਂਦਾ ਹੈ ਉੱਥੇ ਹੀ ਸਰਕਾਰ ਵੱਲੋਂ ਰਾਈਡ ਹੇਲਿੰਗ ਵਾਸਤੇ ਵਿਕਸਤ ਕੀਤੀ ਗਈ ਯੋਜਨਾ ਵਿੱਚ ਹਰ ਪੱਖੋਂ ਸੰਤੁਲਨ ਕਾਇਮ ਕਰਨ ਦਾ ਯਤਨ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਪੈਸੇਂਜਰ ਟਰਾਂਸਪੋਟੇਸ਼ਨ ਬੋਰਡ (Passenger Transportation Board) ਵੱਲੋਂ ਉਬਰ (Uber) ਅਤੇ ਲਿਫਟ (Lyft) ਨੂੰ ਲਾਇਸੈਂਸ ਦੇਣ ਤੋਂ ਪਹਿਲਾਂ ਪਬਲਿਕ ਦੇ ਫ਼ਾਇਦੇ ਅਤੇ ਟੈਕਸੀ ਇੰਡਸਟਰੀ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ਵਿੱਚ ਰੱਖਕੇ ਫ਼ੈਸਲਾ ਦਿੱਤਾ ਗਿਆ ਸੀ।
ਪ੍ਰੀਮੀਅਰ ਮੁਤਾਬਕ ਸਰੀ ਦੇ ਮੇਅਰ ਨੂੰ ਆਪਣੇ ਭਾਈਚਾਰੇ ਦੇ ਲੋਕਾਂ ਦੀ ਸੁਣਨੀ ਚਾਹੀਦੀ ਹੈ ਅਤੇ ਲੋਕਾਂ ਦੀ ਰੋਜ਼ੀ ਰੋਟੀ ਦੇ ਸਾਧਨ ਖੋਹ ਲੈਣ ਦੀ ਬਜਾਏ ਆਮ ਪਬਲਿਕ ਵਾਸਤੇ ਆਵਾਜਾਈ ਦੇ ਹੋਰ ਸਾਧਨ ਮੁਹੱਈਆ ਕਰਵਾਉਣ ਬਾਰੇ ਸੋਚਣਾ ਚਾਹੀਦਾ ਹੈ।
ਡੱਗ ਮੈਕੱਲਮ ਨੇ ਕਿਹਾ ਹੈ ਕਿ ਉਹ ਉਬਰ ਨੂੰ ਸਰ੍ਹੀ ਵਿੱਚ ਸੇਵਾਵਾਂ ਪ੍ਰਦਾਨ ਕਰਨ ਦੀ ਇਜਾਜ਼ਤ ਨਹੀਂ ਦੇਣਗੇ ਅਤੇ ਅਜਿਹਾ ਕਰਨ ਵਾਲਿਆਂ ਨੂੰ $500 ਜੁਰਮਾਨਾ ਭਰਨਾ ਪਵੇਗਾ।
ਇਸ ਦੇ ਜਵਾਬ ਵਿੱਚ ਉਬਰ ਨੇ ਬੀਸੀ ਸੁਪਰੀਮ ਕੋਰਟ (B.C. Supreme Court) ਵਿੱਚ ਇੰਜਕਸ਼ਨ (injunction) ਦੀ ਅਰਜ਼ੀ ਦਿੱਤੀ ਹੈ।
