17.35C Vancouver 17.35C VancouverNov 25, 2021 10:09 PM - The Canadian Press
ਬੀ.ਸੀ. ਫੈਡਰੇਸ਼ਨ ਆਫ ਲੇਬਰ ਦੇ ਪ੍ਰਧਾਨ ਨੇ ਸੂਬੇ 'ਚ 5 ਦਿਨ ਦੀ ਸਾਲਾਨਾ ਪੇਡ ਸਿਕ ਲੀਵ ਦੇ ਫੈਸਲੇ 'ਤੇ ਸਵਾਲ ਚੁੱਕੇ ਹਨ।
ਲੇਅਰਡ ਕਰੌਂਕ ਨੇ ਕਿਹਾ ਕਿ ਉਹ ਇਸ ਫੈਸਲੇ ਨਾਲ ਸਹਿਮਤ ਨਹੀਂ ਹਨ।
ਉਨ੍ਹਾਂ ਕਿਹਾ ਕਿ ਪ੍ਰੋਵਿੰਸ਼ੀਅਲ ਡਾਟਾ ਅਨੁਸਾਰ ਵਰਕਰ ਸਾਲ 'ਚ ਔਸਤ ਅਨੁਸਾਰ 4.8 ਦਿਨ ਦੀ ਛੁੱਟੀ ਲੈ ਸਕਣਗੇ ਪਰ ਨਿਊਜੀਲੈਂਡ, ਆਸਟ੍ਰੇਲੀਆ, ਸਵੀਡਨ ਅਤੇ ਜਰਮਨੀ ਜਿਹੇ ਦੇਸ਼ਾਂ 'ਚ ਪਹਿਲਾਂ ਤੋਂ ਸਾਲਾਨਾ 10 ਦਿਨ ਦੀ ਪੇਡ ਸਿਕ ਲੀਵ ਲਾਗੂ ਹੈ।
ਉਨ੍ਹਾਂ ਕਿਹਾ ਕਿ 10 ਦਿਨ ਦੀ ਪੇਡ ਸਿਕ ਲੀਵ ਨਾਲ ਪੁਖਤਾ ਕੀਤਾ ਜਾ ਸਕਦਾ ਹੈ ਕਿ ਵਰਕਰਾਂ ਕੋਲ ਬਿਮਾਰ ਮਹਿਸੂਸ ਕਰਨ 'ਤੇ ਘਰ ਰਹਿਣ ਦੀ ਆਪਸ਼ਨ ਹੋਵੇ ਅਤੇ ਉਨ੍ਹਾਂ ਦੀ ਇਕਨੌਮਿਕ ਸਟੇਬਿਲਿਟੀ 'ਤੇ ਪ੍ਰਭਾਵ ਨਾ ਪਵੇ।
ਯਾਦ ਰਹੇ ਬੁੱਧਵਾਰ ਨੂੰ ਬੀ.ਸੀ. ਦੇ ਲੇਬਰ ਮੰਤਰੀ ਹੈਰੀ ਬੈਂਸ ਨੇ ਸੂਬੇ 'ਚ 5 ਦਿਨ ਦੀ ਪੇਡ ਸਿਕ ਲੀਵ ਦਾ ਐਲਾਨ ਕੀਤਾ ਹੈ।
ਇਸ ਸਾਲਾਨਾ ਲੀਵ ਨੂੰ ਸੂਬੇ 'ਚ 1 ਜਨਵਰੀ 2022 ਤੋਂ ਲਾਗੂ ਕੀਤਾ ਜਾ ਰਿਹਾ ਹੈ।
