ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਿਵੇਸ਼ ਅਤੇ ਵਪਾਰ ਮੀਟਿੰਗਾਂ ਲਈ ਜਾਣਗੇ ਨਿਊਯਾਰਕ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਇਸ ਹਫ਼ਤੇ ਬੁੱਧਵਾਰ ਅਤੇ ਵੀਰਵਾਰ ਨੂੰ ਨਿਊਯਾਰਕ ਸ਼ਹਿਰ ਦੇ ਦੋ ਦਿਨਾਂ ਦੌਰੇ 'ਤੇ ਜਾ ਰਹੇ ਹਨ। ਪ੍ਰਧਾਨ ਮੰਤਰੀ ਦਫ਼ਤਰ ਮੁਤਾਬਕ, ਕਾਰਨੀ ਇਸ ਦੌਰੇ ਦੌਰਾਨ ਕਈ ਵੱਡੀਆਂ ਕੰਪਨੀਆਂ ਦੇ CEOs, ਉਦਯੋਗਪਤੀਆਂ ਅਤੇ ਇਨਵੈਸਟਰਸ ਨਾਲ ਬੈਠਕਾਂ ਕਰਨਗੇ। ਉਹ ਦੁਨੀਆ ਭਰ ਦੇ ਕਾਰੋਬਾਰੀਆਂ ਨੂੰ ਇਹ ਭਰੋਸਾ ਦੇਣਗੇ ਕਿ ਕੈਨੇਡਾ ਸੁਰੱਖਿਅਤ ਅਤੇ ਲਾਹੇਵੰਦ ਨਿਵੇਸ਼ ਲਈ ਸਭ ਤੋਂ ਵਧੀਆ ਥਾਂ ਹੈ।

ਵੀਰਵਾਰ ਨੂੰ ਪ੍ਰਧਾਨ ਮੰਤਰੀ Economic Club of New York ਵਿਖੇ ਇੱਕ ਵਿਸ਼ੇਸ਼ ਸੰਬੋਧਨ ਵੀ ਕਰਨਗੇ। ਪੀ.ਐਮ.ਓ. ਮੁਤਾਬਕ, ਕਾਰਨੀ ਆਪਣੇ ਭਾਸ਼ਣ ਵਿਚ ਕੈਨੇਡਾ ਦੀ ਨਵੀਂ ਆਰਥਿਕ ਰਣਨੀਤੀ ਨੂੰ ਦੁਨੀਆ ਦੇ ਸਾਹਮਣੇ ਰੱਖਣਗੇ ਅਤੇ ਇਹ ਦੱਸਣਗੇ ਕਿ ਦੇਸ਼ ਆਰਥਿਕ ਪੱਖੋਂ ਕਿਵੇਂ ਤਰੱਕੀ ਕਰ ਰਿਹਾ ਹੈ। ​

ਇਹ ਦੌਰਾ ਅਜਿਹੇ ਨਾਜ਼ੁਕ ਸਮੇਂ 'ਤੇ ਹੋ ਰਿਹਾ ਹੈ ਜਦੋਂ ਕੁਝ ਹੀ ਹਫ਼ਤਿਆਂ ਵਿਚ ਕੈਨੇਡਾ ਯੂਨਾਈਟੇਡ ਸਟੇਟ ਮੈਕਸੀਕੋ ਵਿਚਕਾਰ ਵਪਾਰ ਸਮਝੌਤੇ ਦਾ Review period ਸ਼ੁਰੂ ਹੋਣ ਵਾਲਾ ਹੈ। ​ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਕੋਸ਼ਿਸ਼ ਵਪਾਰਕ ਤਣਾਅ ਦੇ ਬਾਵਜੂਦ ਅਮਰੀਕੀ ਕਾਰੋਬਾਰੀਆਂ ਦਾ ਕੈਨੇਡਾ ਦੇ ਬਾਜ਼ਾਰ ਵਿਚ ਭਰੋਸਾ ਬਣਾਈ ਰੱਖਣਾ ਹੈ।