24.1C Vancouver 24.1C VancouverDec 3, 2025 5:53 PM - Connect Newsroom - Ramandeep Kaur
ਪ੍ਰਿੰਸ ਜਾਰਜ ਵਿਚ ਬੀਤੀ ਰਾਤ ਹਾਈਵੇਅ 16 ਵੈਸਟ 'ਤੇ ਇੱਕ ਜਾਨਲੇਵਾ ਟੱਕਰ ਹੋਈ, ਜਿਸ ਵਿਚ ਇੱਕ ਵੋਲਕਸਵੈਗਨ ਜੇਟਾ ਅਤੇ ਇੱਕ ਜੀਐਮਸੀ ਸੀਅਰਾ ਸ਼ਾਮਲ ਸਨ। ਇਹ ਘਟਨਾ ਰਾਤ 11:00 ਵਜੇ ਤੋਂ ਬਾਅਦ ਦੀ ਹੈ ਅਤੇ ਇਸ ਕਾਰਨ ਆਈਲ ਪੀਅਰ ਰੋਡ ਤੋਂ ਠੀਕ ਅੱਗੇ ਹਾਈਵੇ ਕਈ ਘੰਟਿਆਂ ਤੱਕ ਬੰਦ ਰਿਹਾ।
ਪ੍ਰਿੰਸ ਜਾਰਜ ਆਰ.ਸੀ.ਐਮ.ਪੀ. ਮੁਤਾਬਕ, ਗ੍ਰੇਅ ਵੋਲਕਸਵੈਗਨ ਜੇਟਾ ਦੇ ਡਰਾਈਵਰ ਦੀ ਮੌਕੇ 'ਤੇ ਮੌਤ ਹੋ ਗਈ, ਜਦੋਂ ਕਿ ਗ੍ਰੇਅ ਪਿਕਅੱਪ ਟਰੱਕ ਸੀਅਰਾ ਦੇ ਡਰਾਈਵਰ ਨੂੰ ਹਲਕੀਆਂ ਸੱਟਾਂ ਸਨ ਅਤੇ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ।
ਪ੍ਰਿੰਸ ਜਾਰਜ ਆਰ.ਸੀ.ਐਮ.ਪੀ. ਦੀ ਮੀਡੀਆ ਰਿਲੇਸ਼ਨਜ਼ ਅਫ਼ਸਰ ਕਾਰਪੋਰਲ ਜੈਨੀਫ਼ਰ ਕੂਪਰ ਨੇ ਕਿਹਾ ਕਿ ਜਾਂਚਕਰਤਾ ਮਾਮਲੇ ਦੀ ਜਾਂਚ ਕਰ ਰਹੇ ਹਨ ਅਤੇ ਟੱਕਰ ਤੋਂ ਪਹਿਲਾਂ ਡਰਾਈਵਰਾਂ ਦਾ ਇਨ੍ਹਾਂ ਗੱਡੀਆਂ ਨੂੰ ਚਲਾਉਣ ਦਾ ਢੰਗ ਕਿਹੋ ਜਿਹਾ ਸੀ ਉਸ ਸਬੰਧ ਵਿਚ ਡੈਸ਼ ਕੈਮ ਫੁਟੇਜ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ। ਦੱਸਣਯੋਗ ਹੈ ਕਿ ਫਿਲਹਾਲ ਪੁਲਿਸ ਵਲੋਂ ਮ੍ਰਿਤਕ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
