11.68C Vancouver 11.68C VancouverNov 4, 2025 11:06 AM - "Connect Newsroom - Jasmine Singh with files from The Canadian Press"
ਪ੍ਰਿੰਸ ਜਾਰਜ ਆਰਸੀਐਮਪੀ ਨੇ ਹੈਲੋਵੀਨ ਕੈਂਡੀ ਨੂੰ ਲੈ ਕੇ ਚਿਤਾਵਨੀ ਜਾਰੀ ਕੀਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਵੀਕੈਂਡ 'ਤੇ ਹੈਲੋਵੀਨ ਕੈਂਡੀ ਸਬੰਧੀ ਕਈ ਰਿਪੋਰਟਸ ਮਿਲੀਆਂ ਹਨ। ਪ੍ਰਿੰਸ ਜਾਰਜ ਆਰਸੀਐਮਪੀ ਨੇ ਕਿਹਾ ਕਿ ਬਿਟਨਰ ਰੋਡ ਵੈਸਟ ਅਤੇ ਬਚਿੰਸਕੀ ਕ੍ਰੇਸੈਂਟ ਦੇ ਖੇਤਰ ਵਿਚ ਕਈ ਪਰਿਵਾਰਾਂ ਨੇ ਰਿਪੋਰਟ ਦਰਜ ਕਰਵਾਈਆਂ ਹਨ,ਜਿਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪਣੇ ਬੱਚਿਆਂ ਦੀ ਕੈਂਡੀ ਵਿਚ sewing ਸੂਈਆਂ ਜਾਂ ਪਿੰਨ ਮਿਲੀਆਂ ਹਨ।
ਪ੍ਰਿੰਸ ਜਾਰਜ ਆਰਸੀਐਮਪੀ ਦੀ ਮੀਡੀਆ ਰਿਲੇਸ਼ਨਜ਼ ਅਫ਼ਸਰ ਕਾਰਪੋਰਲ ਜੈਨੀਫ਼ਰ ਕੂਪਰ ਨੇ ਕਿਹਾ ਕਿ ਅਸੀਂ ਜਾਂਚ ਅੱਗੇ ਵਧਾ ਰਹੇ ਹਾਂ ਅਤੇ ਪਰਿਵਾਰਾਂ ਨੂੰ ਸਾਡੀ ਅਪੀਲ ਹੈ ਕਿ ਉਹ ਆਪਣੇ ਬੱਚਿਆਂ ਦੀ ਕੈਂਡੀ ਦੀ ਦੁਬਾਰਾ ਜਾਂਚ ਕਰਨ ਤਾਂ ਜੋ ਇਹ ਪਤਾ ਲੱਗ ਸਕੇ ਕਿ ਉਸ ਵਿਚ ਕੋਈ ਛੇੜਛਾੜ ਤਾਂ ਨਹੀਂ ਕੀਤੀ ਗਈ ਹੈ ਅਤੇ ਜੇ ਕੁਝ ਸ਼ੱਕੀ ਮਿਲਦਾ ਹੈ ਤਾਂ ਇਸ ਦੀ ਸੂਚਨਾ ਤੁਰੰਤ ਪੁਲਿਸ ਨੂੰ ਦਿੱਤੀ ਜਾਵੇ।
ਪ੍ਰਿੰਸ ਜਾਰਜ ਆਰਸੀਐਮਪੀ ਨੇ ਕਿਹਾ ਕਿ ਹੁਣ ਤੱਕ ਇਹਨਾਂ ਚੀਜ਼ਾਂ ਨਾਲ ਕਿਸੇ ਦੇ ਜ਼ਖਮੀ ਹੋਣ ਦੀ ਖ਼ਬਰ ਨਹੀਂ ਹੈ।
