14.14C Vancouver 14.14C VancouverAug 8, 2023 7:59 PM - The Canadian Press
ਕੈਨੇਡਾ ਭਰ ਦੇ ਸੂਬਿਆਂ ਨੂੰ ਔਟਵਾ ਤੋਂ ਅਰਬਾਂ ਡਾਲਰ ਦੀ ਫੰਡਿੰਗ ਪ੍ਰਾਪਤ ਕਰਨ ਲਈ ਫੈਡਰਲ ਸਰਕਾਰ ਵਲੋਂ ਮਿੱਥੇ ਗਏ 2035 ਦੇ 'ਕਲੀਨ ਪਾਵਰ' ਦੇ ਟੀਚੇ ਨਾਲ ਸਹਿਮਤ ਹੋਣਾ ਪੈ ਸਕਦਾ ਹੈ।
ਇਸ ਦਾ ਕਾਰਨ ਹੈ ਕਿ ਫ਼ੇਡਰਲ ਸਰਕਾਰ ਹੁਣ ਬਿਜਲੀ ਦੇ ਪ੍ਰੋਜੈਕਟਾਂ ਲਈ ਦਿੱਤੇ ਜਾਣ ਵਾਲੇ ਟੈਕਸ ਕਰੈਡਿਟ ਅਤੇ ਗ੍ਰਾਂਟਾਂ ਨੂੰ ਨਿਕਾਸੀ-ਮੁਕਤ ਬਿਜਲੀ ਪ੍ਰੋਜੈਕਟਾਂ ਦੀ ਵਚਨਬੱਧਤਾ ਕਰਨ ਵਾਲੇ ਸੂਬਿਆਂ ਤੱਕ ਸੀਮਤ ਕਰਨ ਦਾ ਵਿਚਾਰ ਕਰ ਰਹੀ ਹੈ।
ਉਥੇ ਹੀ, ਅਲਬਰਟਾ ਇਹ ਕਹਿੰਦੇ ਹੋਏ ਕਈ ਵਾਰ ਵਿਰੋਧ ਕਰ ਚੁੱਕਾ ਹੈ ਕਿ ਉਸ ਲਈ ਇਹ ਟਾਰਗੇਟ 2050 ਤੋਂ ਪਹਿਲਾਂ ਪੂਰਾ ਕਰਨਾ ਸੰਭਵ ਨਹੀਂ ਹੋਵੇਗਾ।
ਟਰੂਡੋ ਸਰਕਾਰ ਦੇ ਐਨਰਜੀ ਮਨਿਸਟਰ ਜੋਨਾਥਨ ਵਿਲਕਿਨਸਨ ਅਤੇ ਵਾਤਾਵਰਣ ਮੰਤਰੀ ਸਟੀਵਨ ਗਿਲਬੋ ਨੇ ਮੰਗਲਵਾਰ ਨੂੰ ਜਾਰੀ ਕੀਤੇ ਇੱਕ ਡੌਕੂਮੈਂਟ ਵਿਚ ਇਹ ਸਪੱਸ਼ਟ ਕੀਤਾ ਹੈ ਕਿ ਸੂਬਿਆਂ ਨੂੰ 2035 ਤੱਕ ਗੈਰ-ਨਿਕਾਸ ਇਲੇਕ੍ਟਰੀਸਿਟੀ ਗਰਿੱਡ ਦਾ ਟਾਰਗੇਟ ਪੂਰਾ ਕਰਨਾ ਹੋਵੇਗਾ।
ਵਾਤਾਵਰਣ ਮੰਤਰੀ ਵਲੋਂ ਇਸ ਸਬੰਧੀ ਨਿਯਮਾਂ ਦਾ ਪਹਿਲਾ ਡਰਾਫਟ ਇਸ ਹਫਤੇ ਜਾਰੀ ਕੀਤੇ ਜਾਣ ਦੀ ਉਮੀਦ ਹੈ ਜਿਸ ਵਿਚ ਗੈਸ ਪਾਵਰ ਪਲਾਂਟ ਨੂੰ ਬੰਦ ਕਰਨ ਜਾਂ ਕਾਰਬਨ ਕੈਪਚਰਿੰਗ ਸਿਸਟਮ ਨਾਲ ਜੋੜਨ ਲਈ ਇੱਕ ਟੈਮਲਾਇਨ ਦਿੱਤੀ ਜਾ ਸਕਦੀ ਹੈ।
ਗੌਰਤਲਬ ਹੈ ਕਿ ਅਲਬਰਟਾ ਸਣੇ ਸਸਕੈਚੂਅਨ, ਨੋਵਾ ਸਕੋਸ਼ਿਆ ਅਤੇ ਨਿਊ ਬਰੰਸਵਿਕ ਦੇ ਬਿਜਲੀ ਉਤਪਾਦਨ ਵਿਚ ਮੌਜੂਦਾ ਸਮੇਂ 30 ਤੋਂ 85 ਫੀਸਦੀ ਹਿੱਸਾ ਕੋਲਾ ਅਤੇ ਕੁਦਰਤੀ ਗੈਸ ਸਪਲਾਈ ਦਾ ਹੈ।
ਇਸ ਤੋਂ ਇਲਾਵਾ 6 ਸੂਬੇ ਕਾਰਬਨ ਮੁਕਤ ਬਿਜਲੀ ਦਾ ਟਾਰਗੇਟ ਪੂਰਾ ਕਰਨ ਦੇ ਬਿਲਕੁਲ ਨੇੜੇ ਹਨ।
