20.4C Vancouver 20.4C VancouverDec 2, 2021 2:50 AM - Connect News
ਵੈਨਕੂਵਰ 'ਚ ਸਕਾਈ ਟਰੇਨ ਸਟੇਸ਼ਨ 'ਤੇ ਇੱਕ ਔਰਤ 'ਤੇ ਕਥਿਤ ਤੌਰ 'ਤੇ ਜਿਨਸੀ ਹਮਲਾ ਵਾਪਰਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਕਿਸੇ ਵਿਅਕਤੀ ਨੇ 29 ਐਵੀਨਿਊ ਸਕਾਈਟਰੇਨ ਸਟੇਸ਼ਨ ਦੇ ਕੋਲ ਸ਼ਨੀਵਾਰ ਨੂੰ ਤੜਕੇ ਕਰੀਬ 12 ਤੋਂ 1 ਵਜੇ ਦੇ ਦਰਮਿਆਨ ਔਰਤ ਕੋਲ ਪਹੁੰਚ ਕੀਤੀ ਸੀ।
ਇਸ ਵਿਅਕਤੀ ਨੇ ਔਰਤ ਤੋਂ ਸਮੇਂ ਦੀ ਜਾਣਕਾਰੀ ਮੰਗੀ ਅਤੇ ਫਿਰ ਕਥਿਤ ਤੌਰ 'ਤੇ ਕਈ ਵਾਰ ਉਸ ਦਾ ਰਸਤਾ ਰੋਕਿਆ ਅਤੇ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ।
ਇਸ ਤੋਂ ਬਾਅਦ ਸ਼ੱਕੀ ਨੇ ਔਰਤ ਨੂੰ ਜੱਫਾ ਪਾ ਲਿਆ ਅਤੇ ਉਸ ਨੂੰ ਜ਼ਮੀਨ 'ਤੇ ਡੇਗ ਗਿਆ।
ਔਰਤ ਨੇ ਖੁਦ ਨੂੰ ਛੁਡਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਇਸੇ ਦੌਰਾਨ ਸ਼ੱਕੀ ਨੇ ਔਰਤ ਨੂੰ ਪੌੜੀਆਂ ਤੋਂ ਹੇਠਾਂ ਸੁੱਟ ਦਿੱਤਾ ਅਤੇ ਉਸ ਦਾ ਫੋਨ ਖੋਹ ਲਿਆ।
ਔਰਤ ਨੇ ਖੁਦ ਨੂੰ ਸੰਭਾਲਿਆ ਅਤੇ ਸ਼ੱਕੀ ਨੂੰ ਮੁੱਕਾ ਮਾਰਿਆ ਅਤੇ ਆਪਣਾ ਫੋਨ ਵਾਪਿਸ ਹਾਸਿਲ ਕਰਨ 'ਚ ਕਾਮਯਾਬ ਰਹੀ।
ਔਰਤ ਨੇ ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ।
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਵੱਲੋਂ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਲੋਕਾਂ ਤੋਂ ਜਾਣਕਾਰੀ ਹੋਣ ਦੀ ਹਾਲਤ 'ਚ ਜਾਣਕਾਰੀ ਸਾਂਝੀ ਕਰਨ ਦੀ ਮੰਗ ਕੀਤੀ ਗਈ ਹੈ।
