6.63C Vancouver 6.63C VancouverMar 27, 2026 6:28 PM - Connect Newsroom - Jasmine Singh
ਪੰਜਾਬ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਬਿਕਰਮ ਸਿੰਘ ਮਜੀਠੀਆ ਨੂੰ ਆਮ ਆਦਮੀ ਪਾਰਟੀ ਦੇ ਸਾਂਸਦ ਸੰਜੇ ਸਿੰਘ ਵਿਰੁੱਧ ਦਰਜ ਮਾਣਹਾਨੀ ਦੇ ਕੇਸ ਵਿਚ ਹਾਈਕੋਰਟ ਤੋਂ ਝਟਕਾ ਲੱਗਾ ਹੈ। ਪੰਜਾਬ-ਹਰਿਆਣਾ ਹਾਈਕੋਰਟ ਨੇ ਸੰਜੇ ਸਿੰਘ ਦੀ ਪਟੀਸ਼ਨ ਨੂੰ ਸਵੀਕਾਰ ਕਰਦੇ ਹੋਏ ਮਜੀਠੀਆ ਦੇ ਮਾਣਹਾਨੀ ਕੇਸ ਦਾ ਦੁਬਾਰਾ ਕਰੌਸ ਐਗਜ਼ਾਮੀਨੇਸ਼ਨ ਕਰਨ ਦੇ ਹੁਕਮ ਦਿੱਤੇ ਹਨ।
ਜਨਵਰੀ 2016 ਵਿਚ ਮਜੀਠੀਆ ਨੇ ਸੰਜੇ ਸਿੰਘ ਵਿਰੁੱਧ ਮਾਣਹਾਨੀ ਦਾ ਇਹ ਕੇਸ ਲੁਧਿਆਣਾ ਦੀ ਕੋਰਟ ਵਿਚ ਦਰਜ ਕਰਵਾਇਆ ਸੀ। ਇਲਜ਼ਾਮ ਸੀ ਕਿ ਸੰਜੇ ਸਿੰਘ ਨੇ ਮੋਗਾ ਰੈਲੀ ਦੌਰਾਨ ਉਨ੍ਹਾਂ ਨੂੰ ਡਰੱਗ ਡੀਲਰ ਕਿਹਾ ਸੀ। ਹਾਈਕੋਰਟ ਦੇ ਫੈਸਲੇ ਤੋਂ ਬਾਅਦ ਹੁਣ ਲੁਧਿਆਣਾ ਕੋਰਟ ਵਿਚ ਇਸ ਕੇਸ ਦੀ ਦੁਬਾਰੀ ਸੁਣਵਾਈ ਚੱਲੇਗੀ, ਜਿਸ ਨਾਲ ਇਹ ਕਾਨੂੰਨੀ ਲੜਾਈ ਇੱਕ ਵਾਰ ਫਿਰ ਭੱਖ ਗਈ ਹੈ।
