14.83C Vancouver 14.83C VancouverOct 30, 2020 5:28 PM -
ਤੁਰਕਿਸ਼ ਤਟਾਂ ਅਤੇ ਗ੍ਰੀਕ ਟਾਪੂ ਸਾਮੋਸ ਦੇ ਵਿਚਾਲੇ ਇੱਕ ਮਜ਼ਬੂਤ ਭੁਚਾਲ ਨੇ ਦਸਤਕ ਦਿੱਤੀ ਹੈ।
ਤੁਰਕੀ ਦੇ ਇਜ਼ਮਿਰ ਸੂਬੇ 'ਚ ਕਈ ਇਮਾਰਤਾਂ ਦੇ ਢਹਿ-ਢੇਰੀ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਭੁਚਾਲ ਕਾਰਨ ਘਟੋ-ਘੱਟ 14 ਲੋਕਾਂ ਦੀ ਮੌਤ ਹੋ ਗਈ ਹੈ।
400 ਦੇ ਕਰੀਬ ਲੋਕ ਜ਼ਖਮੀ ਵੀ ਹੋਏ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਭੂਚਾਲ ਤੋਂ ਬਾਅਦ, ਇੱਕ ਛੋਟੀ ਸੁਨਾਮੀ ਨੇ ਇਜ਼ਮਿਰ ਸੂਬੇ ਦੇ ਸੇਫੇਰੀਜ਼ਾਰ ਸ਼ਹਿਰ 'ਚ ਦਸਤਕ ਦਿੱਤੀ।
ਭੁਚਾਲ ਕਾਰਨ ਇਜ਼ਮਿਰ 'ਚ 12 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਸ 'ਚ ਇੱਕ ਵਿਅਕਤੀ ਦੀ ਡੁੱਬ ਕੇ ਮੌਤ ਹੋਈ ਦੱਸੀ ਗਈ ਹੈ।
ਸਾਮੋਸ ਦੇ ਇਲਾਕੇ 'ਚ ਵੀ ਜਾਨੀ ਨੁਕਸਾਨ ਦੀਆਂ ਖਬਰਾਂ ਹਨ, ਜਿੱਥੇ 2 ਟੀਨੇਜਰਸ ਦੀ ਮੌਤ ਹੋ ਗਈ ਹੈ।
ਤੁਰਕੀ ਤੋਂ ਸਿਹਤ ਮੰਤਰੀ ਫਾਹਰੈਟਿਨ ਕੋਕਾ ਨੇ ਇੱਕ ਟਵੀਟ 'ਚ ਲਿਖਿਆ ਕਿ ਇਜ਼ਮਿਰ 'ਚ 38 ਐਂਬੂਲੈਂਸਾਂ, 2 ਹੈਲੀਕਾਪਟਰ ਐਂਬੂਲੈਂਸ ਅਤੇ 35 ਮੈਡਿਕਲ ਰੈਸਕਿਊ ਟੀਮਾਂ ਕੰਮ ਕਰ ਰਹੀਆਂ ਹਨ।
ਯੂਰੋਪੀਅਨ-ਮੈਡੀਟ੍ਰੇਨੀਅਨ ਸੀਸਮੋਲੋਜੀਕਲ ਸੈਂਟਰ ਅਨੁਸਾਰ ਰਿਕਟਰ ਪੈਮਾਨੇ 'ਤੇ ਇਸ ਭੁਚਾਲ ਨੂੰ 6.9 ਮੈਗਨੀਟਿਊਡ ਦਾ ਦੱਸਿਆ ਗਿਆ ਹੈ।
