29.46C Vancouver 29.46C VancouverDec 24, 2020 9:24 PM -
ਕਿਊਬੈਕ 'ਚ ਅੱਜ ਕੋਵਿਡ-19 ਦੇ 2,349 ਨਵੇਂ ਮਾਮਲੇ ਰਿਪੋਰਟ ਹੋਏ ਹਨ।
ਇਹ ਕਿਊਬੈਕ 'ਚ ਵਾਇਰਸ ਸੰਬੰਧੀ ਮਾਮਲਿਆਂ ਦਾ ਹੁਣ ਤੱਕ ਦਾ ਇੱਕੋ ਦਿਨ ਦਾ ਸਭ ਤੋਂ ਵੱਡਾ ਵਾਧਾ ਹੈ।
ਇਸ ਤੋਂ ਪਹਿਲਾਂ ਬੀਤੇ ਕੱਲ ਕਿਊਬੈਕ 'ਚ 2,247 ਮਾਮਲੇ ਰਿਪੋਰਟ ਹੋਏ ਸਨ।
ਦੁੱਖ ਦੀ ਗੱਲ ਸੀ ਕਿ ਅੱਜ ਸੂਬੇ 'ਚ 46 ਹੋਰ ਮੌਤਾਂ ਰਿਪੋਰਟ ਹੋਈਆਂ ਹਨ।
ਕਿਊਬੈਕ 'ਚ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ 1,000 ਤੋਂ ਪਾਰ ਹੋ ਚੁੱਕੀ ਹੈ।
ਇਸ 'ਚ 150 ਦੇ ਕਰੀਬ ਵਾਇਰਸ ਪੀੜਤਾਂ ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਦੂਜੇ ਪਾਸੇ ਅੱਜ ਔਂਟੈਰੀਓ 'ਚ ਪ੍ਰੀਮਿਅਰ ਡਗ ਫੋਰਡ ਨੇ ਇੱਕ ਟਵੀਟ ਕੀਤਾ ਅਤੇ ਲੋਕਾਂ ਨੂੰ ਮੰਗ ਕੀਤੀ ਕਿ ਬਾਹਰ ਸਿਰਫ ਕਿਸੇ ਜ਼ਰੂਰੀ ਕੰਮ ਲਈ ਹੀ ਨਿਕਲਿਆ ਜਾਵੇ।
ਯਾਦ ਰਹੇ ਔਂਟੈਰੀਓ 'ਚ ਸ਼ਨੀਵਾਰ ਤੋਂ ਲੌਕਡਾਊਨ ਸ਼ੁਰੂ ਹੋ ਰਿਹਾ ਹੈ।
ਅੱਜ ਔਂਟੈਰੀਓ 'ਚ ਵੀ ਕੋਵਿਡ-19 ਦਾ ਇੱਕੋ ਦਿਨ ਦਾ ਸਭ ਤੋਂ ਵੱਡਾ ਵਾਧਾ ਦਰਜ ਕੀਤਾ ਗਿਆ ਹੈ।
ਅੱਜ ਔਂਟੈਰੀਓ 'ਚ 2,447 ਮਾਮਲੇ ਰਿਪੋਰਟ ਹੋਏ ਹਨ।
