27.88C Vancouver 27.88C VancouverAug 28, 2025 6:11 PM - The Canadian Press
ਕਿਊਬੈਕ ਸਰਕਾਰ ਨੇ ਜਨਤਕ ਥਾਵਾਂ ਉਤੇ ਪ੍ਰਾਰਥਨਾ 'ਤੇ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਹੈ। ਸੂਬੇ ਦੇ ਧਰਮ ਨਿਰਪੱਖਤਾ ਮੰਤਰੀ ਜੀਨ-ਫ੍ਰਾਂਸਵਾ ਰੋਬਰਗੇ ਦਾ ਕਹਿਣਾ ਹੈ ਕਿ ਉਹ ਇਸ ਫਾਲ ਵਿਚ ਜਨਤਕ ਥਾਵਾਂ 'ਤੇ ਪ੍ਰਾਰਥਨਾ ਨੂੰ ਗੈਰ-ਕਾਨੂੰਨੀ ਬਣਾਉਣ ਲਈ ਬਿੱਲ ਪੇਸ਼ ਕਰਨਗੇ। ਇਹ ਕਿਊਬੈਕ ਦੀ ਲੀਗਾਲਟ ਸਰਕਾਰ ਦਾ ਮੌਜੂਦਾ ਧਰਮ ਨਿਰਪੱਖਤਾ ਦੇ ਕਾਨੂੰਨ ਨੂੰ ਸਖ਼ਤ ਕਰਨ ਦਾ ਨਵੀਨਤਮ ਕਦਮ ਹੈ।
ਮੰਤਰੀ ਰੋਬਰਗੇ ਨੇ ਕਿਹਾ ਕਿ ਉਹ ਸੜਕਾਂ 'ਤੇ ਖਾਸ ਕਰ ਮਾਂਟਰੀਅਲ ਦੀਆਂ ਸੜਕਾਂ 'ਤੇ ਪ੍ਰਾਰਥਨਾ ਕਰਨ ਵਾਲੇ ਲੋਕਾਂ ਦੇ ਵਧ ਰਹੇ ਵਰਤਾਰੇ ਕਾਰਨ ਚਿੰਤਤ ਹਨ। ਪ੍ਰੀਮੀਅਰ ਫ੍ਰਾਂਸੂਆ ਲੈਗੋ ਨੇ ਪਿਛਲੇ ਦਸੰਬਰ ਵਿਚ ਸੜਕਾਂ ਅਤੇ ਹੋਰ ਜਨਤਕ ਥਾਵਾਂ 'ਤੇ ਪ੍ਰਾਰਥਨਾ 'ਤੇ ਬੈਨ ਲਗਾਉਣ ਦੀ ਆਪਣੀ ਇੱਛਾ ਜ਼ਾਹਰ ਕੀਤੀ ਸੀ।
ਕਿਊਬੈਕ ਸਰਕਾਰ ਦਾ ਤਾਜ਼ਾ ਇਹ ਕਦਮ ਸੁਤੰਤਰ ਕਮੇਟੀ ਵਲੋਂ ਧਰਮ ਨਿਰਪੱਖਤਾ ਕਾਨੂੰਨ ਨੂੰ ਮਜ਼ਬੂਤ ਕਰਨ ਦੇ ਤਰੀਕੇ ਬਾਰੇ ਦਿੱਤੀਆਂ ਗਈਆਂ 50 ਸਿਫ਼ਾਰਸ਼ਾਂ ਤੋਂ ਬਾਅਦ ਆਇਆ ਹੈ। ਹਾਲਾਂਕਿ, ਕਮੇਟੀ ਨੇ ਸਰਕਾਰ ਨੂੰ ਜਨਤਕ ਥਾਵਾਂ 'ਤੇ ਪ੍ਰਾਰਥਨਾ ਬੈਨ ਦੀ ਸਿਫਾਰਸ਼ ਨਹੀਂ ਕੀਤੀ ਸਗੋਂ ਸੁਝਾਅ ਦਿੱਤਾ ਸੀ ਕਿ ਇਸ ਮੁੱਦੇ ਨੂੰ ਨਗਰ ਪਾਲਿਕਾਵਾਂ 'ਤੇ ਛੱਡ ਦਿੱਤਾ ਜਾਵੇ।
