18.44C Vancouver 18.44C VancouverApr 27, 2021 8:32 PM -
ਕਿਊਬੈਕ ਦੇ ਵਿੱਚ ਇੱਕ 54 ਸਾਲਾ ਔਰਤ ਦੀ ਮੌਤ ਹੋ ਗਈ ਹੈ।
ਇਸ ਔਰਤ ਨੇ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਹਾਸਿਲ ਕਰਨ ਤੋਂ ਬਾਅਦ ਬਲੱਡ ਕਲੌਟ ਸਥਾਪਿਤ ਕਰ ਲਏ ਸਨ।
ਸੂਬੇ ਦੇ ਪਬਲਿਕ ਹੈਲਥ ਡਾਇਰੈਕਟਰ ਦਾ ਕਹਿਣਾ ਹੈ ਕਿ ਅਧਿਕਾਰੀਆਂ ਨੂੰ ਸ਼ੁਰੂ ਤੋਂ ਹੀ ਪਤਾ ਸੀ ਕਿ ਵੈਕਸੀਨ ਸੰਬੰਧੀ ਅਜਿਹੀ ਨਿਵੇਕਲੀ ਪਰਿਸਥਿਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਡਾ. ਹੋਰਾਸਿਓ ਆਰੁਡਾ ਦਾ ਕਹਿਣਾ ਸੀ ਕਿ ਕੋਵਿਡ-19 ਵੈਕਸੀਨ ਦੇ ਲਾਭ ਇਸ ਨਾਲ ਸੰਬੰਧਤ ਕਿਸੇ ਖਤਰੇ ਤੋਂ ਕਿਤੇ ਵੱਧ ਹਨ।
ਉਨ੍ਹਾਂ ਦੱਸਿਆ ਕਿ ਸੂਬੇ 'ਚ ਇਸ ਵੈਕਸੀਨ ਦੀਆਂ 400,000 ਤੋਂ ਵਧੇਰੇ ਖੁਰਾਕਾਂ ਪ੍ਰਦਾਨ ਹੋ ਚੁੱਕੀਆਂ ਹਨ, ਜਿਸ 'ਚ ਅਜਿਹੀਆਂ 4 ਰਿਪੋਰਟਸ ਸਾਹਮਣੇ ਆਈਆਂ ਹਨ।
ਉਨ੍ਹਾਂ ਕਿਹਾ ਕਿ ਕਿਊਬੈਕ 'ਚ ਇਸ ਵੈਕਸੀਨ ਨੂੰ 45 ਤੋਂ 79 ਸਾਲ ਦੇ ਉਮਰ ਵਰਗ ਨੂੰ ਪ੍ਰਦਾਨ ਕਰਨਾ ਜਾਰੀ ਰੱਖਿਆ ਜਾਵੇਗਾ।
ਕਿਊਬੈਕ ਤੋਂ ਸਿਹਤ ਮੰਤਰੀ ਕ੍ਰਿਸਟੀਅਨ ਡੁਬੇ ਦਾ ਕਹਿਣਾ ਹੈ ਕਿ ਵੈਕਸੀਨ ਸੰਬੰਧੀ ਕੋਈ ਵੀ ਮੌਤ ਬੇਹੱਦ ਦੁਖਦਾਈ ਹੈ, ਪਰ ਉਨ੍ਹਾਂ ਕਿਹਾ ਕਿ ਅਜਿਹੇ ਨਿਵੇਕਲੇ ਕੰਪਲੀਕੇਸ਼ਨਸ ਦੀ ਸੰਭਾਵਨਾ ਨੂੰ ਰੱਦ ਨਹੀਂ ਕੀਤਾ ਜਾ ਸਕਦਾ।
