ਕਿਊਬੈਕ 'ਚ ਹੜਤਾਲ ਕਰ ਰਹੀ ਅਧਿਆਪਕ ਯੂਨੀਅਨ ਨੇ ਕਿਹਾ ਨਹੀਂ ਹੋਵਾਂਗੇ 'ਇਮੋਸ਼ਨਲ ਬਲੈਕਮੇਲ'

ਕਿਊਬੈਕ 'ਚ ਹੜਤਾਲ ਕਰਨ ਵਾਲੀ ਅਧਿਆਪਕ ਯੂਨੀਅਨ ਦਾ ਕਹਿਣਾ ਹੈ ਕਿ ਉਹ ਪ੍ਰੀਮੀਅਰ ਵੱਲੋਂ ਇਮੋਸ਼ਨਲ ਬਲੈਕਮੇਲ ਨਹੀਂ ਹੋਣਗੇ। ਪ੍ਰੀਮੀਅਰ ਵੱਲੋਂ ਅਧਿਆਪਕਾਂ ਨੂੰ ਆਪਣੇ ਵਿਦਿਆਰਥੀਆਂ ਦੇ ਭਲੇ ਲਈ ਕੰਮ 'ਤੇ ਵਾਪਸ ਆ ਜਾਣ ਲਈ ਕਿਹਾ ਸੀ ।

ਕਿਊਬੈਕ ਦੇ ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਅਧਿਆਪਕ ਉਨ੍ਹਾਂ ਬੱਚਿਆਂ ਬਾਰੇ ਸੋਚਣ ਜਿਨ੍ਹਾਂ ਨੂੰ ਹੜਤਾਲ ਕਾਰਨ ਨੁਕਸਾਨ ਹੋ ਰਿਹਾ ਹੈ। ਯੂਨੀਅਨ ਨੇ ਸੋਸ਼ਲ ਮੀਡੀਆ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਹਾ ਕਿ ਮੈਂਬਰ ਪਬਲਿਕ ਸਕੂਲਾਂ ਵਿੱਚ ਖ਼ਰਾਬ ਹਾਲਾਤਾਂ ਨੂੰ ਰੋਕਣ ਲਈ ਹੜਤਾਲ ਕਰ ਰਹੇ ਹਨ।

ਫੈਡਰੇਸ਼ਨ ਆਟੋਨੋਮ ਡੀ ਲਏਨਸੀਗਮੈਂਟ ਦੇ 66,000 ਮੈਂਬਰ 23 ਨਵੰਬਰ ਤੋਂ ਹੜਤਾਲ 'ਤੇ ਹਨ।

ਜ਼ਿਕਰਯੋਗ ਹੈ ਕਿ ਕਈ ਹੋਰ ਕਿਊਬੈਕ ਦੀਆਂ ਪਬਲਿਕ ਸੈਕਟਰ ਯੂਨੀਅਨਾਂ ਦਸੰਬਰ ਵਿੱਚ ਹੜਤਾਲ ਕਰ ਰਹੀਆਂ ਹਨ। ਜਿਸ ਵਿੱਚ 95,000 ਅਧਿਆਪਕਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਵੀ ਸ਼ਾਮਿਲ ਹੋਵੇਗੀ। ਯੂਨੀਅਨਾਂ ਦਾ ਕਹਿਣਾ ਹੈ ਕਿ ਜੇ ਸੂਬਾ ਸਰਕਾਰ ਨਾਲ ਗੱਲਬਾਤ ਕਿਸੇ ਸਿਰੇ ਨਾ ਪਹੁੰਚੀ ਤਾਂ 8 ਦਸੰਬਰ ਤੋਂ 14 ਦਸੰਬਰ ਤੱਕ ਵਰਕਰ ਹੜਤਾਲ 'ਤੇ ਜਾਣਗੇ।