13.2C Vancouver 13.2C VancouverSep 28, 2023 6:15 PM - The Canadian Press
ਕਿਊਬੈਕ ਵਿੱਚ 7 ਬਿਲੀਅਨ ਡਾਲਰ ਦਾ ਈਵੀ ਬੈਟਰੀ ਪਲਾਂਟ ਲੱਗਣ ਜਾ ਰਿਹਾ ਹੈ।
ਸਵੀਡਨ ਦੀ ਦਿੱਗਜ ਬੈਟਰੀ ਕੰਪਨੀ ਨੌਰਥਵੋਲਟ ਇਸ ਪਲਾਂਟ ਨੂੰ ਲਗਾ ਰਹੀ ਹੈ।
ਇਸ ਦਾ ਐਲਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਕਿਊਬੈਕ ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਨੇ ਵੀਰਵਾਰ ਨੂੰ ਮੌਂਟਰੀਅਲ ਵਿੱਚ ਕੀਤਾ।
$7 ਬਿਲੀਅਨ ਦੇ ਨਿਵੇਸ਼ ਵਾਲੇ ਪਲਾਂਟ ਦੇ ਪਹਿਲੇ ਪੜਾਅ ਵਿੱਚ 30 GWh ਤੱਕ ਦੀ ਸਾਲਾਨਾ ਬੈਟਰੀ ਸੈੱਲ ਨਿਰਮਾਣ ਸਮਰੱਥਾ ਹੋਵੇਗੀ।
ਕੰਪਨੀ ਦਾ ਕਹਿਣਾ ਹੈ ਕਿ ਪਲਾਂਟ ਵਿੱਚ 3,000 ਲੋਕਾਂ ਨੂੰ ਰੁਜ਼ਗਾਰ ਮਿਲਣ ਦੀ ਉਮੀਦ ਹੈ।
ਕਿਊਬੈਕ ਅਤੇ ਫੈਡਰਲ ਸਰਕਾਰ ਪਲਾਂਟ ਦੇ ਨਿਰਮਾਣ ਲਈ ਕੁੱਲ $2.7 ਬਿਲੀਅਨ ਦਾ ਨਿਵੇਸ਼ ਕਰਨਗੇ।
2026 ਦੇ ਅੰਤ ਤੱਕ ਇਹ ਪਲਾਂਟ ਤਿਆਰ ਹੋਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਨੇ ਇਸ ਐਲਾਨ ਦਾ ਸਭ ਤੋਂ ਵੱਡੇ ਨਿੱਜੀ ਨਿਵੇਸ਼ ਵਜੋਂ ਸਵਾਗਤ ਕੀਤਾ ਹੈ।
