19.33C Vancouver 19.33C VancouverMar 20, 2025 4:10 PM - The Canadian Press
ਕਿਊਬੈਕ ਦਾ ਵਿਵਾਦਿਤ ਧਰਮ ਨਿਰਪੱਖਤਾ ਕਾਨੂੰਨ ਜਿਸ ਨੂੰ ਬਿੱਲ 21 ਵੀ ਕਿਹਾ ਜਾਂਦਾ ਹੈ, ਹੁਣ ਸੂਬੇ ਵਿਚ ਅਧਿਆਪਕ ਤੋਂ ਇਲਾਵਾ ਸਕੂਲ ਸਟਾਫ 'ਤੇ ਵੀ ਲਾਗੂ ਹੋਵੇਗਾ। ਸੂਬਾ ਸਰਕਾਰ ਨੇ ਇਸ ਸਬੰਧੀ ਅੱਜ ਇੱਕ ਬਿੱਲ ਪੇਸ਼ ਕੀਤਾ ਹੈ। ਇਹ ਕਾਨੂੰਨ ਕਿਊਬੈਕ ਵਿਚ ਪਹਿਲਾਂ ਤੋਂ ਹੀ ਅਧਿਆਪਕ ਅਤੇ ਪੁਲਿਸ ਅਧਿਕਾਰੀ ਵਰਗੇ ਸਰਕਾਰੀ ਕਰਮਚਾਰੀਆਂ ਨੂੰ ਡਿਊਟੀ ਦੌਰਾਨ ਆਪਣੇ ਧਰਮ ਨਾਲ ਜੁੜੇ ਚਿੰਨ ਪਾਉਣ 'ਤੇ ਰੋਕਦਾ ਹੈ।
ਹੁਣ ਨਵੇਂ ਬਿੱਲ ਰਾਹੀਂ ਸੂਬੇ ਦੇ ਸਿੱਖਿਆ ਐਕਟ ਵਿਚ ਬਦਲਾਅ ਕੀਤਾ ਜਾ ਰਿਹਾ ਹੈ, ਜਿਸ ਤਹਿਤ ਵਿਦਿਆਰਥੀ ਅਤੇ ਸਟਾਫ ਨੂੰ ਵੀ ਸਕੂਲ ਸਮੇਂ ਦੌਰਾਨ ਧਾਰਮਿਕ ਪ੍ਰਤੀਕ ਪਾਉਣ ਦੀ ਮਨ੍ਹਾਹੀ ਹੋਵੇਗੀ।
ਇਹ ਪਾਬੰਦੀ ਉਨ੍ਹਾਂ ਲੋਕਾਂ 'ਤੇ ਵੀ ਲਾਗੂ ਹੋਵੇਗੀ ਜੋ ਸਕੂਲ ਕਰਮਚਾਰੀ ਨਹੀਂ ਹਨ ਪਰ ਨਿਯਮਿਤ ਤੌਰ 'ਤੇ ਵਿਦਿਆਰਥੀਆਂ ਨੂੰ ਸੇਵਾਵਾਂ ਪ੍ਰਦਾਨ ਕਰਦੇ ਹਨ, ਜਿਵੇਂ ਕਿ ਸਕੂਲ ਲਾਇਬ੍ਰੇਰੀ ਦੇ ਵਾਲੰਟੀਅਰ ਇਸ ਬਿੱਲ ਵਿਚ ਇਹ ਵੀ ਵਿਵਸਥਾ ਕੀਤੀ ਗਈ ਹੈ ਕਿ ਫ੍ਰੈਂਚ-ਭਾਸ਼ਾ ਦੇ ਸਕੂਲ ਵਿਚ ਕੰਮ ਕਰਦੇ ਕਰਮਚਾਰੀਆਂ ਨੂੰ ਸਟੂਡੈਂਟਸ ਅਤੇ ਸਟਾਫ ਨਾਲ ਸਿਰਫ ਫ੍ਰੈਂਚ ਵਿਚ ਹੀ ਗੱਲ ਕਰਨੀ ਹੋਵੇਗੀ।
