19.71C Vancouver 19.71C VancouverMay 29, 2020 4:41 PM -
ਮੈਟਰੋ ਵੈਨਕੂਵਰ ਦੀ ਪੁਲਿਸ ਵੱਲੋਂ ਇੱਕ ਬਜ਼ੁਰਗ ਔਰਤ ਤੇ ਹਮਲਾ ਕਰਨ ਵਾਲੀ ਸ਼ੱਕੀ ਔਰਤ ਦੀ ਭਾਲ ਕੀਤੀ ਰਹੀ ਹੈ।
3 ਅਪ੍ਰੈਲ ਨੂੰ ਵਾਪਰੀ ਇਸ ਵਾਰਦਾਤ ਦੀ ਵਿਡੀਓ ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਜਨਤਕ ਕੀਤੀ ਗਈ ਹੈ।
ਮੈਟਰੋਟਾਊਨ ਸਕਾਈ ਟਰੇਨ ਸਟੇਸ਼ਨ ਦੇ ਨਜ਼ਦੀਕ ਸੈਂਟਰਲ ਬੁਲੇਵਾਰਡ ਤੇ ਬਜ਼ੁਰਗ ਔਰਤ ਵਾਕਰ ਦੇ ਸਹਾਰੇ ਤੁਰਦੀ ਜਾ ਰਹੀ ਸੀ ਜਦ ਸ਼ੱਕੀ ਔਰਤ ਨੇ ਬਜ਼ੁਰਗ ਮਹਿਲਾ ਨੂੰ ਅੜੰਗਾ ਪਾਕੇ ਸੁੱਟਣ ਦੀ ਕੋਸ਼ਿਸ ਕੀਤੀ।
ਪੁਲਿਸ ਮੁਤਾਬਕ 84 ਸਾਲਾ ਏਸ਼ੀਆਈ ਮੂਲ ਦੀ ਪੀੜਤ ਔਰਤ ਦੇ ਗੰਭੀਰ ਸੱਟਾਂ ਨਹੀਂ ਲੱਗੀਆਂ ਹਨ ਪਰ ਉਹ ਘਬਰਾ ਗਈ ਹੈ।
ਸ਼ੱਕੀ ਮਹਿਲਾ ਏਸ਼ੀਆਈ ਮੂਲ ਦੀ ਹੋ ਸਕਦੀ ਹੈ ਅਤੇ ਉਸ ਨੇ ਇੱਕ ਫੇਸ ਮਾਸਕ, ਲੰਬੀ ਗੂੜ੍ਹੇ ਰੰਗ ਦੀ ਪਫੀ ਜੈਕੇਟ, ਗੂੜ੍ਹੇ ਰੰਗ ਦੀਆਂ ਟਾਈਟਸ, ਹਲਕੇ ਰੰਗ ਦੇ ਜੁੱਤੇ ਪਹਿਨੇ ਹੋਏ ਹਨ ਅਤੇ ਇੱਕ ਵੱਡਾ ਬੇਜ ਰੰਗ ਦਾ ਪਰਸ ਚੁੱਕਿਆ ਹੋਇਆ ਹੈ।
ਜਾਂਚਕਰਤਾਵਾਂ ਮੁਤਾਬਕ ਮੁੱਢਲੀ ਜਾਣਕਾਰੀ ਤੋਂ ਇਹ ਗੱਲ ਫਿਲਹਾਲ ਸਪੱਸ਼ਟ ਨਹੀਂ ਹੈ ਕਿ ਇਹ ਹਮਲਾ ਨਸਲੀ ਵਿਤਕਰੇ ਦਾ ਨਤੀਜਾ ਹੈ ਪਰ ਪੁਲਿਸ ਮੁਤਾਬਕ ਵੈਨਕੂਵਰ ਇਲਾਕੇ ਵਿੱਚ ਏਸ਼ੀਆਈ ਮੂਲ ਦੇ ਲੋਕਾਂ ਉੱਤੇ ਹੋ ਰਹੇ ਵਿਤਕਰੇ ਨਾਲ ਸੰਬੰਧਤ ਮਾਮਲਿਆਂ ਨੂੰ ਦੇਖਦਿਆਂ ਇਹ ਸੰਭਾਵਨਾ ਵੀ ਹੋ ਸਕਦੀ ਹੈ।
