20.66C Vancouver 20.66C VancouverJul 6, 2020 3:37 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਬੌਬ ਰੇ ਨੂੰ ਸੰਯੁਕਤ ਰਾਸ਼ਟਰ ਵਿੱਚ ਕੈਨੇਡਾ ਦੇ ਨਵੇਂ ਰਾਜਦੂਤ ਵਜੋਂ ਨਿਯੁਕਤ ਕੀਤਾ ਜਾ ਰਿਹਾ ਹੈ।
ਉਹਨਾਂ ਵੱਲੋਂ ਇਸ ਨਿਯੁਕਤੀ ਦਾ ਐਲਾਨ ਅੱਜ ਸਵੇਰ ਕੀਤਾ ਗਿਆ।
ਔਨਟੈਰੀਓ ਦੇ ਸਾਬਕਾ ਪ੍ਰੀਮੀਅਰ, ਰੇ, ਇਸ ਤੋਂ ਪਹਿਲਾਂ ਮਾਨਵੀ ਅਤੇ ਇਮੀਗ੍ਰੇਸ਼ਨ ਮਸਲਿਆਂ ਲਈ ਕੈਨੇਡਾ ਦੇ ਵਿਸ਼ੇਸ਼ ਰਾਜਦੂਤ ਅਤੇ ਮਿਆਂਮਾਰ ਵਿੱਚ ਕੈਨੇਡਾ ਦੇ ਵਿਸ਼ੇਸ਼ ਰਾਜਦੂਤ ਰਹਿ ਚੁੱਕੇ ਹਨ।
2013 ਵਿੱਚ ਟਰੂਡੋ ਦੇ ਲਿਬਰਲ ਪਾਰਟੀ ਦੇ ਲੀਡਰ ਬਣਨ ਤੋਂ ਪਹਿਲਾਂ, 71 ਵਰ੍ਹਿਆਂ ਦੇ ਬੌਬ ਰੇ ਪਾਰਟੀ ਦੇ ਅੰਤਰਿਮ ਲੀਡਰ ਰਹਿ ਚੁੱਕੇ ਹਨ।
ਰੇ, ਮਾਰਕ-ਆਂਦ੍ਰੇ ਬਲੈਨਸ਼ਰਡ ਤੋਂ ਬਾਅਦ ਇਹ ਅਹੁਦਾ ਸੰਭਾਲਣ ਜਾ ਰਹੇ ਹਨ।
ਹਾਲ ਵਿੱਚ ਹੀ ਕੈਨੇਡਾ, ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਪ੍ਰੀਸ਼ਦ ਵਿੱਚ ਅਸਥਾਈ ਸੀਟ ਹਾਸਿਲ ਕਰਨ ਵਿੱਚ ਨਾਕਾਮ ਰਿਹਾ ਸੀ।
ਪਹਿਲੀ ਹੀ ਬੈਲਟ ਵਿੱਚ ਨਾਰਵੇ ਅਤੇ ਆਇਰਲੈਂਡ ਦੇ ਹੱਥੋਂ ਕੈਨੇਡਾ ਨੂੰ ਹਾਰ ਦਾ ਸਾਹਮਣਾ ਕਰਨ ਪਿਆ ਸੀ।
