17.33C Vancouver 17.33C VancouverDec 5, 2023 4:59 PM - The Canadian Press
ਕੈਨੇਡੀਅਨ ਆਰਮਡ ਫੋਰਸਿਜ਼ ਵਿੱਚ ਜਿਨਸੀ ਹਮਲੇ ਦੇ ਮਾਮਲਿਆਂ ਵਿੱਚ ਮਹੱਤਵਪੂਰਣ ਵਾਧੇ ਨੇ ਸਰਕਾਰ ਦੀ ਚਿੰਤਾ ਵਧਾ ਦਿੱਤੀ ਹੈ। ਸਟੈਟਿਸਟਿਕਸ ਕੈਨੇਡਾ ਦੀ ਇੱਕ ਨਵੀਂ ਰਿਪੋਰਟ ਦੱਸਦੀ ਹੈ ਕਿ ਫੌਜ ਵਿੱਚ ਜਿਨਸੀ ਦੁਰਵਿਹਾਰ ਦੀ ਸਮੱਸਿਆ ਵਿਗੜਦੀ ਜਾ ਰਹੀ ਹੈ।
ਨੈਸ਼ਨਲ ਏਜੰਸੀ ਦੇ ਸਰਵੇ ਮੁਤਾਬਕ, ਕੈਨੇਡੀਅਨ ਆਰਮਡ ਫੋਰਸਿਜ਼ ਦੇ 3.5 ਫੀਸਦੀ ਕਰਮਚਾਰੀਆਂ ਨੇ ਫੌਜ ਵਿੱਚ ਉਨ੍ਹਾਂ ਨਾਲ 2022 ਵਿੱਚ ਜਿਨਸੀ ਹਮਲੇ ਬਾਰੇ ਦੱਸਿਆ ਹੈ । ਇਹ 2018 ਵਿੱਚ ਰਿਪੋਰਟ ਕੀਤੇ ਗਏ 1.6 ਫੀਸਦੀ ਅਤੇ 2016 ਵਿੱਚ ਦਰਜ ਕੀਤੇ ਗਏ 1.7 ਫੀਸਦੀ ਤੋਂ ਮਹੱਤਵਪੂਰਨ ਵਾਧਾ ਹੈ।
ਜਿਨਸੀ ਹਮਲੇ ਵਿੱਚ ਸਭ ਤੋਂ ਆਮ ਬਿਨਾਂ ਇਜ਼ਾਜਤ ਕਿਸੇ ਨੂੰ ਛੂਹਣਾ ਸੀ। ਰੈਗੂਲਰ ਫੋਰਸ ਵਿੱਚ ਜਿਨਸੀ ਹਮਲੇ ਦਾ ਸਾਹਮਣਾ ਕਰਨ ਵਾਲੇ ਪੀੜਿਤਾਂ ਵਿੱਚ ਸਭ ਤੋਂ ਵੱਧ ਔਰਤਾਂ ਸਨ। ਜਿਨਸੀ ਹਮਲੇ ਦਾ ਸ਼ਿਕਾਰ ਹੋਏ ਜ਼ਿਆਦਾਤਰ ਆਰਮਡ ਫੋਰਸਿਜ਼ ਮੈਂਬਰਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਇਸ ਦੀ ਸ਼ਿਕਾਇਤ ਨਹੀਂ ਕੀਤੀ ਕਿਉਂਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਸੀ ਕਿ ਇਸ ਨਾਲ ਕੋਈ ਫਰਕ ਪਵੇਗਾ।
ਗੌਰਤਲਬ ਹੈ ਕਿ ਸਟੈਟਿਸਟਿਕਸ ਕੈਨੇਡਾ ਨੇ ਆਰਮਡ ਫੋਰਸਿਜ਼ ਵਿੱਚ ਜਿਨਸੀ ਸੋਸ਼ਣ ਬਾਰੇ ਪਹਿਲਾ ਸਰਵੇ 2016 ਵਿੱਚ ਕੀਤਾ ਸੀ ਅਤੇ ਦੂਜਾ 2018 ਵਿੱਚ ਕਰਵਾਇਆ ਗਿਆ, ਜਿਨ੍ਹਾਂ ਦੀ ਤੁਲਨਾ ਵਿੱਚ ਕੁੱਲ ਮਿਲਾ ਕੇ ਜਿਨਸੀ ਹਮਲੇ ਦੇ ਮਾਮਲੇ ਵਧੇ ਹਨ।
