13.78C Vancouver 13.78C VancouverNov 3, 2021 10:29 PM - Connect News
ਬੀ.ਸੀ. ਦੇ ਜੌਬਸ, ਇਕਨੌਮਿਕ ਰਿਕਵਰੀ ਅਤੇ ਇਨੋਏਸ਼ਨ ਮੰਤਰੀ, ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਬੀ.ਸੀ. ਸਰਕਾਰ ਨੇ ਨਵੰਬਰ ਮਹੀਨੇ ਨੂੰ 'ਸਿੱਖ ਨੇਸ਼ਨ ਬਲੱਡ ਡੋਨੇਸ਼ਨ ਮਹੀਨਾ' ਐਲਾਨ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਸਾਲ 1999 'ਚ ਸਿੱਖ ਨੇਸ਼ਨ ਨੇ ਪਹਿਲੀ ਵਾਰ ਸਰੀ 'ਚ ਬਲੱਡ ਡੋਨੇਸ਼ਨ ਕੈਂਪ ਲਗਾਇਆ ਸੀ।
ਉਨ੍ਹਾਂ ਦੱਸਿਆ ਕਿ ਉਸ ਮੌਕੇ ਇਸੇ ਵਿਸ਼ਵਾਸ ਨਾਲ ਖੂਨ ਦਾਨ ਕੈਂਪ ਦਾ ਪ੍ਰਬੰਧ ਕੀਤਾ ਗਿਆ ਸੀ ਕਿ ਸਾਰੇ ਮਨੁੱਖ ਸੁਰੱਖਿਅਤ ਅਤੇ ਖੁਸ਼ੀ ਭਰਿਆ ਜੀਵਨ ਬਤੀਤ ਕਰਨ।
ਰਵੀ ਕਾਹਲੋਂ ਨੇ ਕਿਹਾ ਕਿ 1999 ਤੋਂ ਬਾਅਦ ਇਸ ਮੁਹਿੰਮ ਨੇ ਇੱਕ ਸਾਲਾਨਾ ਈਵੈਂਟ ਦਾ ਰੂਪ ਲੈ ਲਿਆ ਅਤੇ ਇਸ ਦਾ ਆਕਾਰ ਅਤੇ ਪ੍ਰਭਾਵ ਹਰ ਸਾਲ ਵਧਦਾ ਗਿਆ ਹੈ।
ਰਵੀ ਕਾਹਲੋਂ ਨੇ ਦੱਸਿਆ ਕਿ ਹੁਣ ਇਹ ਮੁਹਿੰਮ 22ਵੇਂ ਸਾਲ 'ਚ ਦਾਖਿਲ ਹੋ ਗਈ ਹੈ ਅਤੇ ਇਸ ਦੇ ਕੈਨੇਡਾ, ਅਮਰੀਕਾ ਅਤੇ ਹੋਰ ਥਾਵਾਂ 'ਤੇ ਦਰਜਨਾਂ ਕਲੀਨਿਕਸ ਹਨ।
ਉਨ੍ਹਾਂ ਦੱਸਿਆ ਕਿ ਇਹ ਕੈਂਪੇਨ ਹੁਣ ਕਨੇਡੀਅਨ ਬਲੱਡ ਸਰਵਿਸਿਸ ਦੇ ਪਾਰਟਨਰਸ ਆਫ ਲਾਈਫ ਪ੍ਰੋਗਰਾਮ 'ਚ ਇਹ ਕੈਂਪੇਨ ਸਭ ਤੋਂ ਵੱਡਾ ਕੰਟ੍ਰੀਬਿਊਟਰ ਹੈ।
ਰਵੀ ਕਾਹਲੋਂ ਨੇ ਨਵੰਬਰ ਦੇ ਮਹੀਨੇ 'ਚ ਸਾਰੇ ਲੋਕਾਂ ਨੂੰ ਯੋਗਦਾਨ ਪਾਉਣ ਦਾ ਸੱਦਾ ਦਿੱਤਾ।
