20.97C Vancouver 20.97C VancouverSep 19, 2025 7:09 PM - The Canadian Press
ਬੀ. ਸੀ. ਵਿਚ ਆਰ.ਸੀ.ਐਮ.ਪੀ. ਦੇ ਇੱਕ ਉੱਚ ਅਧਿਕਾਰੀ ਨੂੰ ਔਫ ਡਿਊਟੀ ਘਟਨਾ ਨਾਲ ਸਬੰਧਤ ਹਮਲੇ ਦੇ ਤਿੰਨ ਦੋਸ਼ਾਂ ਨਾਲ ਚਾਰਜ ਕੀਤਾ ਗਿਆ ਹੈ। ਇਸ ਵਿਚ ਗਲਾ ਘੁੱਟ ਕੇ ਹਮਲਾ ਕਰਨ ਦਾ ਵੀ ਇੱਕ ਮਾਮਲਾ ਹੈ। ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਦਾ ਕਹਿਣਾ ਹੈ ਕਿ ਇਹ ਮਾਮਲੇ 2 ਜੁਲਾਈ 2025 ਨੂੰ ਐਬਟਸਫੋਰਡ ਵਿਚ ਹੋਏ ਸਨ।
ਇਹ ਦੋਸ਼ ਆਰ.ਸੀ.ਐਮ.ਪੀ. ਸਹਾਇਕ ਕਮਿਸ਼ਨਰ ਡੇਵਿਡ ਟੇਬੋਲ 'ਤੇ ਲਗਾਏ ਗਏ ਹਨ, ਜੋ ਕਿ ਪ੍ਰਸ਼ਾਂਤ ਖੇਤਰ ਯਾਨੀ ਬ੍ਰਿਟਿਸ਼ ਕੋਲੰਬੀਆ ਅਤੇ ਯੂਕੋਨ ਲਈ ਫੈਡਰਲ ਪੁਲਿਸਿੰਗ ਰੀਜਨਲ ਕਮਾਂਡਰ ਹਨ। ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਇਸ ਹਾਈ ਪ੍ਰੋਫਾਇਲ ਕੇਸ ਦੀ ਨਿਰਪੱਖਤਾ ਨੂੰ ਯਕੀਨੀ ਬਣਾਉਣ ਲਈ ਐਂਡੀ ਮੈਕੇ ਨੂੰ ਵਿਸ਼ੇਸ਼ ਵਕੀਲ ਨਿਯੁਕਤ ਕੀਤਾ ਹੈ, ਜੋ ਕਿ ਵੈਨਕੂਵਰ ਦੇ ਸੀਨੀਅਰ ਵਕੀਲ ਹਨ।
ਟੇਬੋਲ ਦੀ ਪਹਿਲੀ ਪੇਸ਼ੀ 9 ਅਕਤੂਬਰ ਨੂੰ ਐਬਟਸਫੋਰਡ ਲਾਅ ਕੋਰਟ ਵਿਚ ਹੋਵੇਗੀ। ਉਨ੍ਹਾਂ ਨਾਲ ਜੁੜੇ ਮਾਮਲੇ ਦੀ ਜਾਂਚ ਐਬਟਸਫੋਰਡ ਪੁਲਿਸ ਵਿਭਾਗ ਵਲੋਂ ਕੀਤੀ ਗਈ ਸੀ। ਟੇਬੋਲ 1997 ਵਿਚ ਆਰ.ਸੀ.ਐਮ.ਪੀ. ਨਾਲ ਜੁੜੇ ਸਨ ਅਤੇ 2024 ਤੋਂ ਮੌਜੂਦਾ ਭੂਮਿਕਾ ਵਿਚ ਹਨ।
