ਪੀਸ ਰਿਵਰ ਗੈਸ ਸਟੇਸ਼ਨ 'ਤੇ ਸ਼ੱਕੀ ਦੀ ਮੌਤ, ਆਰ.ਸੀ.ਐਮ.ਪੀ. ਵੱਲੋਂ ਜਾਂਚ ਜਾਰੀ

ਨੌਰਥ ਐਲਬਰਟਾ ਦੇ ਇਕ ਗੈਸ ਸਟੇਸ਼ਨ 'ਤੇ ਚੋਰੀ ਦੀ ਟੈਕਸੀ ਹੇਠਾਂ ਆਉਣ ਕਾਰਨ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਆਰ.ਸੀ.ਐਮ.ਪੀ. ਅਨੁਸਾਰ ਇਹ ਘਟਨਾ ਵੀਰਵਾਰ ਵੱਡੇ ਤੜਕੇ ਲਗਭਗ 2:23 ਵਜੇ ਪੀਸ ਰਿਵਰ ਵਿੱਚ 78 ਸਟ੍ਰੀਟ 'ਤੇ ਸਥਿਤ ਇੱਕ ਪੈਟਰੋ-ਕੈਨੇਡਾ ਗੈਸ ਸਟੇਸ਼ਨ 'ਤੇ ਵਾਪਰੀ।ਘਟਨਾ ਦੇ ਲਗਭਗ ਦੋ ਘੰਟਿਆਂ ਬਾਅਦ ਪੁਲਿਸ ਨੂੰ ਕਿਸੇ ਰਾਹਗੀਰ ਨੇ ਸੂਚਨਾ ਦਿੱਤੀ ਸੀ।

ਸੀ.ਸੀ.ਟੀ.ਵੀ. ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇੱਕ ਸ਼ੱਕੀ ਵਿਅਕਤੀ ਲਾਲ ਰੰਗ ਦੀ 2005 Dodge Caravan ਟੈਕਸੀ ਵਿੱਚ ਸਵਾਰ ਹੋਇਆ,ਉਸਨੇ ਪੀੜਤ ਨੂੰ ਗੱਡੀ ਹੇਠ ਦਿੱਤਾ ਅਤੇ ਮੌਕੇ ਤੋਂ ਫ਼ਰਾਰ ਹੋ ਗਿਆ।ਔਫੀਸਰਜ਼ ਨੇ ਦੱਸਿਆ ਕਿ ਚੋਰੀ ਕੀਤੀ ਗਈ ਟੈਕਸੀ ਬਰਾਮਦ ਕਰ ਲਈ ਗਈ ਹੈ।

ਪੁਲਿਸ ਹੁਣ ਉਸ ਸ਼ੱਕੀ ਦੀ ਭਾਲ ਕਰ ਰਹੀ ਹੈ । ਉਸ ਨੇ ਉਸ ਸਮੇਂ ਕਾਲੀ ਜੈਕਟ,ਨੀਲੀ ਜੀਨਸ ਅਤੇ ਕਾਲੀ ਟੀ-ਸ਼ਰਟ ਪਾਈ ਸੀ ਅਤੇ ਇਕ ਹੱਥ ਵਿਚ ਕਾਲੇ ਰੰਗ ਦਾ ਦਸਤਾਨਾ ਪਾਇਆ ਸੀ। ਜੇਕਰ ਕਿਸੇ ਕੋਲ ਇਸ ਸਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਉਹ ਉਨ੍ਹਾਂ ਨੂੰ ਦੱਸ ਕੇ ਮਦਦ ਕਰ ਸਕਦਾ ਹੈ।