ਚਿਲੀਵੈਕ 'ਚ ਸੜਕ ਹਾਦਸੇ ਦੌਰਾਨ ਪੁਲਿਸ ਅਧਿਕਾਰੀ ਜ਼ਖ਼ਮੀ

ਚਿਲੀਵੈਕ ਵਿਚ ਐਤਵਾਰ ਨੂੰ ਆਰ.ਸੀ.ਐਮ.ਪੀ. ਐਸ.ਯੂ.ਵੀ. ਅਤੇ ਇੱਕ ਬਲੈਕ ਸੈਡਾਨ ਵਿਚਕਾਰ ਹੋਈ ਟੱਕਰ ਬਾਰੇ ਪੁਲਿਸ ਨੇ ਡਿਟੇਲਸ ਜਾਰੀ ਕੀਤੀ ਹੈ। ਚਿਲੀਵੈਕ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਇਹ ਟੱਕਰ ਵੱਡੇ ਤੜਕੇ ਲਗਭਗ 1 ਵਜੇ ਸਟੀਵਨਸਨ ਰੋਡ ਨੇੜੇ ਵੇਡਰ ਰੋਡ 'ਤੇ ਵਾਪਰੀ, ਔਫੀਸਰ ਇੱਕ ਪੂਰੀ ਤਰ੍ਹਾਂ ਨਿਸ਼ਾਨਬੱਧ ਫੋਰਡ ਐਕਸਪਲੋਰਰ ਪੁਲਿਸ ਗੱਡੀ ਵਿਚ ਨੌਰਥ ਸਾਈਡ ਨੂੰ ਜਾ ਰਿਹਾ ਸੀ ਜਦੋਂ ਸਾਊਥ ਦਿਸ਼ਾ ਵਿਚ ਜਾ ਰਹੀ ਇੱਕ 2006 ਮਾਡਲ ਦੀ ਲਿੰਕਨ ਜ਼ੇਫ਼ਾਇਰ- ਨੌਰਥਬਾਊਂਡ ਲੇਨ ਵਿਚ ਆ ਗਈ ਅਤੇ ਪੁਲਿਸ ਗੱਡੀ ਨਾਲ ਇਸ ਦੀ ਆਹਮੋ-ਸਾਹਮਣੇ ਟੱਕਰ ਹੋਈ।

ਪੁਲਿਸ ਨੇ ਕਿਹਾ ਕਿ ਘਟਨਾ ਸਥਾਨ 'ਤੇ ਮੌਜੂਦ ਗਵਾਹਾਂ ਦੇ ਬਿਆਨਾਂ ਤੋਂ ਪਤਾ ਚੱਲਦਾ ਹੈ ਕਿ ਲਿੰਕਨ ਡਰਾਈਵਰ ਤੇਜ਼ ਰਫ਼ਤਾਰ ਵਿਚ ਸੀ ਅਤੇ ਇਹ ਹਾਦਸਾ ਉਸ ਦੀ ਲਾਪਰਵਾਹੀ ਦਾ ਨਤੀਜਾ ਸੀ। ਪੁਲਿਸ ਨੇ ਡਰਾਈਵਰ ਦੇ ਸ਼ਰਾਬ ਦੇ ਨਸ਼ੇ ਵਿਚ ਹੋਣ ਤੋਂ ਇਨਕਾਰ ਕੀਤਾ।

ਇਨਵੈਸਟੀਗੇਟਸ ਨੇ ਕਿਹਾ ਕਿ ਹਾਦਸੇ ਵਿਚ ਜ਼ਖਮੀ ਹੋਇਆ ਆਰ.ਸੀ.ਐਮ.ਪੀ. ਔਫੀਸਰ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ, ਜਦੋਂ ਕਿ ਲਿੰਕਨ ਦਾ 29 ਸਾਲਾ ਡਰਾਈਵਰ ਜੋ ਚਿਲੀਵੈਕ ਤੋਂ ਸੀ ਉਸ ਨੂੰ ਇਲਾਜ ਮਗਰੋਂ ਛੁੱਟੀ ਮਿਲ ਚੁੱਕੀ ਹੈ। ਪੁਲਿਸ ਨੇ ਕਿਹਾ ਕਿ ਘਟਨਾ ਦੀ ਜਾਂਚ ਜਾਰੀ ਹੈ ਅਤੇ ਫਿਲਹਾਲ ਕੋਈ ਦੋਸ਼ ਨਹੀਂ ਲਗਾਏ ਗਏ ਹਨ।