11.85C Vancouver 11.85C VancouverApr 6, 2022 9:43 PM - The Canadian Press
ਬੀ.ਸੀ. ਦੇ ਕੈਰੇਮਿਓਸ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਅਫ਼ਸਰ 'ਤੇ ਚਾਕੂ ਨਾਲ ਵਾਰ ਕੀਤੇ ਗਏ ਹਨ।
ਹਮਲਾ ਉਸ ਵੇਲੇ ਹੋਇਆ ਜਦ ਅਫ਼ਸਰ ਨੇ ਗ੍ਰਿਫਤਾਰੀ ਦੀ ਕੋਸ਼ਿਸ਼ ਕੀਤੀ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪੁਲਿਸ ਨੂੰ ਸੋਮਵਾਰ ਨੂੰ ਸਵੇਰ ਦੇ ਸਮੇਂ ਇੱਕ ਘਰ ਕੋਲ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਘਰ ਦੇ ਬਾਹਰ ਇੱਕ ਆਦਮੀ ਵੱਲੋਂ ਰੌਲਾ ਪਾਉਣ ਅਤੇ ਮਦਦ ਮੰਗਣ ਸੰਬੰਧੀ ਸੂਚਨਾ ਮਿਲੀ ਸੀ।
ਪੁਲਿਸ ਨੇ ਦੱਸਿਆ ਕਿ ਜਦ ਅਫ਼ਸਰ ਇਸ ਵਿਅਕਤੀ ਨਾਲ ਗੱਲਬਾਤ ਕਰ ਰਿਹਾ ਸੀ ਤਾਂ ਆਦਮੀ ਘਰ 'ਚ ਭੱਜ ਗਿਆ ਅਤੇ ਜਦ ਅਫ਼ਸਰ ਉਸ ਦੇ ਪਿੱਛੇ ਭੱਜਿਆ ਤਾਂ ਅਫ਼ਸਰ 'ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ।
ਜਾਣਕਾਰੀ ਦਿੱਤੀ ਗਈ ਕਿ ਅਫ਼ਸਰ ਫਿਰ ਵੀ ਆਦਮੀ ਨੂੰ ਕਾਬੂ ਕਰਨ 'ਚ ਕਾਮਯਾਬ ਰਿਹਾ ਤੇ ਖੁਦ ਗੱਡੀ ਚਲਾ ਹਸਪਤਾਲ ਪਹੁੰਚਿਆ।
ਅਫ਼ਸਰ ਨੂੰ ਲੱਗੀ ਸੱਟ ਗੰਭੀਰ ਦੱਸੀ ਗਈ। ਗ੍ਰਿਫਤਾਰ ਕੀਤੇ ਗਏ ਆਦਮੀ ਨੂੰ ਹਸਪਤਾਲ 'ਚ ਇਲਾਜ ਪ੍ਰਦਾਨ ਕਰਵਾਇਆ ਜਾ ਰਿਹਾ ਸੀ।
