19.61C Vancouver 19.61C VancouverDec 3, 2021 11:30 PM - The Canadian Press
ਸਰੀ ਦੇ ਵਿੱਚ ਪੁਲਿਸ ਦਾ ਕਹਿਣਾ ਹੈ ਕਿ ਕਈ ਵਾਹਨਾਂ ਨੂੰ ਉਸ ਵੇਲੇ ਨੁਕਸਾਨ ਪਹੁੰਚਿਆ ਜਦ ਇੱਕ ਓਵਰਪਾਸ 'ਤੇ ਖੜੇ ਵਿਅਕਤੀ ਨੇ ਵਾਹਨਾਂ 'ਤੇ ਰੋੜੇ ਸੁੱਟਣੇ ਸ਼ੁਰੂ ਕਰ ਦਿੱਤੇ।
ਵਾਹਨ ਥੱਲੇ ਹਾਈਵੇਅ 'ਤੇ ਜਾ ਰਹੇ ਸਨ ਜਦ ਉੱਤੋਂ ਰੋੜੇ ਸੁੱਟੇ ਜਾਣ ਲੱਗੇ।
ਘਟਨਾ ਹਾਈਵੇਅ 99 'ਤੇ 32 ਐਵੀਨਿਊ ਕੋਲ ਵਾਪਰੀ।
ਘਟਨਾ 'ਚ ਇੱਕ ਟ੍ਰਾਂਜ਼ਿਟ ਬੱਸ ਸਮੇਤ ਕਈ ਵਾਹਨਾਂ ਨੂੰ ਨੁਕਸਾਨ ਹੋਇਆ।
ਪੁਲਿਸ ਨੇ ਦੱਸਿਆ ਕਿ ਜਾਂਚ ਦੌਰਾਨ ਇੱਕ ਵਾਹਨ 'ਤੇ ਡਿੱਗੀ ਬੇਸਬਾਲ ਜਿੰਨੀ ਵੱਡੀ ਰੌਕ ਮਿਲੀ।
ਮਾਮਲਾ 26 ਨਵੰਬਰ ਦਾ ਦੱਸਿਆ ਗਿਆ ਹੈ।
ਘਟਨਾ ਨੂੰ ਸ਼ਾਮ ਕਰੀਬ 7.45 ਵਜੇ ਅੰਜਾਮ ਦਿੱਤਾ ਗਿਆ।
ਇਸ ਤੋਂ ਬਾਅਦ 29 ਨਵੰਬਰ ਨੂੰ ਰਾਤ ਕਰੀਬ 11 ਵਜੇ ਅਜਿਹੀ ਘਟਨਾ ਵਾਪਰੀ।
ਫਿਰ ਇਸ ਤੋਂ ਅਗਲੇ ਦਿਨ ਵੀ ਰਾਤ ਕਰੀਬ 10.30 ਵਜੇ ਅਜਿਹੀ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ।
ਹਾਲਾਂਕਿ ਇਨ੍ਹਾਂ ਸਾਰੀਆਂ ਘਟਨਾਵਾਂ 'ਚ ਕਿਸੇ ਵਿਅਕਤੀ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਮਾਮਲੇ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
