13.08C Vancouver 13.08C VancouverSep 25, 2023 5:25 PM -
ਰਾਇਲ ਕੈਨੇਡੀਅਨ ਮਾਉਂਟਿਡ ਪੁਲਿਸ ਕਿਊਬੈਕ ਦੇ ਰੌਕਸਮ ਰੋਡ ‘ਤੇ ਆਪਣੀਆਂ ਸੁਵਿਧਾਵਾਂ ਨੂੰ ਬੰਦ ਕਰ ਰਹੀ ਹੈ।
ਆਰਸੀਐਮਪੀ ਵੱਲੋਂ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ ਅਧਿਕਾਰੀਆਂ ਨੇ 2017 ਤੋਂ ਹੁਣ ਤੱਕ ਰੌਕਸਮ ਰੋਡ 'ਤੇ ਲੱਖਾਂ ਲੋਕਾਂ ਨੂੰ ਰੋਕਿਆ ਹੈ।
ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਉਹ ਇਹ ਕੰਮਕਾਜ ਸਮਾਪਤ ਕਰ ਰਹੀ ਹੈ।
ਸਾਰਜੈਂਟ ਚਾਰਲਜ਼ ਪੋਏਰੀਏ ਨੇ ਕਿਹਾ ਸੇਫ਼ ਥਰਡ ਕੰਟਰੀ ਅਗਰੀਮੈਂਟ ਵਿੱਚ ਤਬਦੀਲੀਆਂ ਕਰਨ ਤੋਂ ਬਾਅਦ ਰੌਕਸਮ ਰੋਡ ਤੋਂ ਲੰਘਣ ਵਾਲੇ ਪਰਵਾਸੀਆਂ ਦੀ ਗਿਣਤੀ ਘੱਟ ਗਈ ਹੈ ਅਤੇ ਇੱਥੇ ਉਨ੍ਹਾਂ ਦੀ ਮੌਜੂਦਗੀ ਦੀ ਹੁਣ ਕੋਈ ਲੋੜ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਆਪਣੀਆਂ ਸੁਵਿਧਾਵਾਂ ਨੂੰ ਬੰਦ ਕਰਨ ਦਾ ਮਤਲਬ ਹੈ ਕਿ ਆਰਸੀਐਮਪੀ ਦੀ ਹੁਣ ਰੌਕਸਮ ਰੋਡ ‘ਤੇ ਨਿਰੰਤਰ ਮੌਜੂਦਗੀ ਨਹੀਂ ਰਹੇਗੀ।
ਇਹ ਗਸ਼ਤ ਅਤੇ ਕੈਮਰੇ ਦੀ ਨਿਗਰਾਨੀ 'ਤੇ ਨਿਰਭਰ ਕਰੇਗੀ।
ਪੈਦਲ ਆਵਾਜਾਈ ਵਿੱਚ ਕਮੀ ਅਤੇ ਸਹੂਲਤਾਂ ਨੂੰ ਅਪਗ੍ਰੇਡ ਕਰਨ ਦੀ ਲਾਗਤ ਕਾਰਨ ਆਰਸੀਐਮਪੀ ਨੇ ਇਸਨੂੰ ਬੰਦ ਕਰਨ ਦਾ ਫ਼ੈਸਲਾ ਲਿਆ।
ਦੱਸ ਦਈਏ ਰੌਕਸਮ ਰੋਡ ਉੱਪਰ ਲੰਬੇ ਸਮੇਂ ਤੋਂ ਇੱਕ ਅਨਿਯਮਿਤ ਬਾਰਡਰ ਕ੍ਰਾਸਿੰਗ ਬਣ ਗਈ ਸੀ ਜਿਸ ਰਾਹੀਂ ਅਮਰੀਕਾ ਤੋਂ ਪੈਦਲ ਆਉਂਦੇ ਹਜ਼ਾਰਾਂ ਪਨਾਹਗੀਰ ਕੈਨੇਡਾ ਦਾਖ਼ਲ ਹੁੰਦੇ ਰਹੇ ਸਨ।
ਮਾਰਚ ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟ੍ਰੂਡੋ ਅਤੇ ਅਮਰੀਕੀ ਰਾਸ਼ਟਰਪਤੀ ਨੇ ਕੈਨੇਡਾ ਅਤੇ ਅਮਰੀਕਾ ਦਰਮਿਆਨ ਨਵੀਂ ਸਹਿਮਤੀ ਐਲਾਨੀ ਸੀ ਜਿਸ ਤਹਿਤ ਅਮਰੀਕਾ ਤੋਂ ਅਣਅਧਿਕਾਰਤ ਸਰਹੱਦੀ ਲਾਂਘਿਆਂ ਜਿਵੇਂ ਰੌਕਸਮ ਰੋਡ ਰਾਹੀਂ ਕੈਨੇਡਾ ਆਉਣ ਵਾਲੇ ਪਨਾਹਗੀਰਾਂ ਨੂੰ ਬਾਰਡਰ ਤੋਂ ਵਾਪਸ ਮੋੜਨ ਦੀ ਵਿਵਸਥਾ ਬਣਾਈ ਦਿੱਤੀ ਗਈ ਸੀ।
