10.19C Vancouver 10.19C VancouverJun 18, 2020 10:40 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਸਾਬਕਾ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜੌਨ ਬੋਲਟਨ ਦੀ ਕਿਤਾਬ ਦੀਆਂ ਵਧੇਰੇ ਜਾਣਕਾਰੀਆਂ ਸਾਹਮਣੇ ਆਉਣ ਦੇ ਨਾਲ-ਨਾਲ ਕੁਝ ਅਹਿਮ ਸ਼ਖਸੀਅਤਾਂ ਦੀਆਂ ਟਿੱਪਣੀਆਂ ਵੀ ਸਾਹਮਣੇ ਆ ਰਹੀਆਂ ਹਨ।
ਸਪੀਕਰ ਨੈਨਸੀ ਪੈਲੋਸੀ ਦਾ ਕਹਿਣਾ ਹੈ ਕਿ, ਜੌਨ ਬੋਲਟਨ ਦੀ ਕਿਤਾਬ ਕਾਫੀ 'ਦਿਲਚਸਪ' ਰਹਿਣ ਵਾਲੀ ਹੈ।
ਉਨ੍ਹਾਂ ਕਿਹਾ ਕਿ ਬੋਲਟਨ ਹਾਊਸ ਇੰਪੀਚਮੈਂਟ ਇੰਕਵਾਇਰੀ ਸਮੇਂ ਕਾਫੀ ਹੰਕਾਰੀ ਜਾਪ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਬੋਲਟਨ ਨੇ ਉਸ ਸਮੇਂ ਦੇਸ਼ ਭਗਤੀ ਦੀ ਜਗ੍ਹਾ ਵਫ਼ਾਦਾਰੀ ਨੂੰ ਵਧੇਰੇ ਅਹਿਮੀਅਤ ਦਿੱਤੀ ਸੀ।
ਉਨ੍ਹਾਂ ਕਿਹਾ ਕਿ ਇਸ ਕਿਤਾਬ ਨੂੰ ਕਾਂਗਰਸ ਸਾਹਮਣੇ ਟੈਸਟੀਫਾਈ ਕਰਨ ਦਾ ਸਬਸਟੀਟਿਊਟ ਸਮਝਣਾ ਚਾਹੀਦਾ ਹੈ।
ਇਸ ਕਿਤਾਬ 'ਚ ਬੋਲਟਨ ਵੱਲੋਂ ਇਲਜ਼ਾਮ ਲਗਾਏ ਗਏ ਹਨ ਕਿ ਟ੍ਰੰਪ ਵੱਲੋਂ ਚੀਨ ਦੇ ਲੀਡਰ ਦੀਆਂ ਮਿੱਨਤਾਂ ਕੀਤੀਆਂ ਗਈਆਂ ਸਨ ਕਿ ਉਨ੍ਹਾਂ ਦੀ ਦੁਬਾਰਾ ਚੋਣ ਹੋ ਸਕੇ।
ਟ੍ਰੰਪ ਨੇ ਬੋਲਟਨ ਨੂੰ ਇੱਕ 'ਸਿੱਕ ਪਪੀ' ਦੱਸਿਆ ਹੈ, ਅਤੇ ਕਿਹਾ ਕਿ ਉਹ ਕੰਮ ਤੋਂ ਕੱਢੇ ਜਾਣ ਦਾ ਬਦਲਾ ਲੈ ਰਿਹਾ ਹੈ।
